بالأرقام.. طارق عامر يلخص حال مصر الاقتصادى.... by youm7
قال طارق عامر، محافظ البنك المركزى، إنه كان أمامنا تحدٍّ كبير، فالإصلاح يحتاج قرارات صعبة واقتناع بالمصلحة العامة والقدرة على تحمل ردود الفعل، إضافة إلى تضحيات عظيمة من الشعوب، متابعًا فى خطاب للمصريين: "عايزين نتحمل زيادة الأسعار سنة".
وأضاف محافظ البنك المركزى، فى كلمته خلال الجلسة العامة الثانية من الحوار الشهرى للشباب مع الرئيس عبد الفتاح السيسى، والمنعقدة الآن حول الإصلاح الاقتصادي ورؤية الشباب، قائلاً: "إيه اللى حصل فى أسعار الدولار، وفى زيادة الأسعار، وأسبابها إيه؟ بسيطة جدًّا، كان بيجيلنا كل سنة دعم عربى فى حدود 10 مليار دولار، فى 2015 جالنا دعم عربى فى الحدود دى، و6 مليار فى مؤتمر شرم الشيخ، ودعم وقود 4 مليار، والعشرة مليار دول مجوش السنة دى، يبقى إحنا لازم نعتمد على نفسنا، وكمان كانت السياحة بتجيب لنا 7.5 مليار دولار، عندنا طيارتين وقعوا السنة دى، يبقى نزلت لـ3 مليار دولار، يبقى فقدنا كمان 4 مليار، يبقى كده 14 مليار، إضافة للسياحة اللى طالعة برّه مصر عشان العملة رخيصة، يبقى 16 مليار دولار فجوة، يبقى لازم الناس تاخد إجراءات، يبقى صعبة لو سيبناها وسهلة لو واجهناها".
عدد الردود 0
بواسطة:
Ahmed Ibrahim
هههههه سنة !!!?
سنة واحدة !!! هو مش انت برضه اللى قلت ان الدولار هيبقى ب 4 جنيه وبَقى ب 18 !!!! يبقى اكيد اكيد عمرنا ما نصدقك.....
عدد الردود 0
بواسطة:
أبو الشيماء
موافق لكن بشروط
نعلن نحن أبناء شعب مصر من معدومى ومحدودى الدخل اننا افئة الأولى ف الموافقة على تحمل الأسعار فداء لمصر ونهيب بالسادة أصحاب المعالى أصحاب الدخول المتوسطة والمرتفعة أن يعطونا المثل والقدوة بتطبيق الحد الأقصى على سعادة محافظ البنك المركزى وجميع العاملين فى مصر بلا استثناء : الشرطة - الجيش - القضاء - الجهات السيادية - البنوك - البترول - السياحة ........... كل موظف فى مصر يحصل على راتب حكومى يجب تطبيق الحد الأقصى عليه ....... لاتنسوا الصناديق الخاصة ............ اجمالى المبالغ فى البندين السابقين : 260 مليار جنيه ...............
عدد الردود 0
بواسطة:
البسكاوى
هو الراجل ده معندهوش دم
هو نسى كان بيقول ايه قال مش هتنيل واعوم الجنيه أبدا وقال الدولار هيرجع 11 وحسبى الله ونعم الوكيل
عدد الردود 0
بواسطة:
مسلمة
بيستخف بالناس
خلى مرتبك الف جنيه وبعدها اتكلم عن تحمل الزيادة
عدد الردود 0
بواسطة:
جلال
حسوا بالناس
ياتري كم مرتب محافظ البنك المركزي ؟ تحس ان الناس بتتكلم من كوكب آخر ويكلموا ناس صم وياتري بعد السنة الاسعار تنخفض طبعا لا .. يروح يقولك بنعمل اصلاح لابد الناس تستحمل ربنا يستر علينا من الاسعار النار
عدد الردود 0
بواسطة:
محمد
تعليق
كفاية مستحملينك ...مش احنا !!! ومش عارفين لية