فيسبوك
واتساب
ومهما لقانا حيكون مر
حتفضل ذكراه وحشانا
ومهما قاسيت عذاب هجره
حيبقى حنينه جوانا
حتصبر مرة وتدارى
حتبكى وهو مش دارى
حييجى ف يوم يدوق زيك
من اللى جراحه قاتلانا
متسمعش لندا قلبه
ولا تلعن سنين قبله
طوتها دموعنا بالتفكير
ف وهم غيومه ف سمانا
كتير قولنا انها ما تتعاش
وقولنا حننسى مقدرناش
كتير نكدب على روحنا
وبرضه جراحنا ساكنانا
نسينا حاجات بتسعدنا
وعنها الحزن يبعدنا
ورايحيين للى يتعبنا
وكأنه الحزن دنيانا
حنكتشف اننا توهنا
ف بحر هموم مغرقنا
وانه حياتنا فيها الفرح
وبالخير لسة مليانة
متيأسش وتستسلم
ولا تنهار وتتألم
ده ربك باسرارنا عليم
وعمره ف يوم ماينسانا
