إيه اللى حصل فى الدنيا محدش طايق حد ليه
ليه اللى ربى وكبر ولاده مش طايقينه ليه
إيه اللى اتغير يا دنيا قلوبنا ولا الزمان
الطيب فيكى محنى واللى فارد ظهره الجبان
نار بتكوى يا دنيا فيا، من اللى شايفه من الزمان
العيشة صعبة أوى عليا، من غير لا حُب ولا حنان
عشنا وشوفنا، قلب بنت رافض أمه
وابن عاق عمَال بيضرب فى أبوه وأمه
نسيوا دينهم فكريهم بوصية الكتاب
بكره دولا آه يا ويلهم، آه يا ويلهم من الحساب
إيه اللى حصل يا دنيا فيكى محدش طايق حد ليه
اللى بايع فى لحم غيره، واللى بايع لحمه ودمه
واللى الشيطان غاويه، ولشره بسهولة ضمه
واللى بايع أهله وصحبه وقال إيه غصب عنه
عشنا وشوفنا قلب رافض قلب منه
وابن عاق بإيده دبَح فى أبوه وأمه.
تم أضافة تعليقك سوف يظهر بعد المراجعة