عندما كانت عقارب الساعة تشير إلى التاسعة صباحا وصلت سيارة الأستاذ شاكر البيضاء ودخلت بطريقة همجية للغاية وصوت الكلاكس المتواصل المزعج. تخيل البعض أن هناك كارثة أو حالة طارئة حدثت وفتح زجاج سيارته وصرخ بصوت عالى مناديا على عامل الجراج المخصص لسيارات الشركة موجها له بعض الشتائم وأصاب هذا الموقف العامل بالصدمة فلم يتعود من الأستاذ شاكر على هذه التصرفات تماما وأعطى له مفتاح السيارة ليقوم بركنها وسط استياء الجميع من هذه الشتائم والتصرفات الهمجية ودخل الأستاذ شاكر ناكشا شعره ومرتديا البدلة مكرمشة كما لو كانت خارجة من غسالة عادية اهلكتها ومزقتها وشبشب غريب ودخل الشركة كالحصان الهائج يرتطم بالكل ويلقى الشتائم على كل من يقابله.
كان الجميع يفسح له الطريق فيتجنبه كل من يواجهه لأنه بالتأكيد سينال قسطا من الشتائم التى قد تتطور للمشاجرة. ماذا حدث يبدو أن هناك شيئا ما غامضا وخاطئا مستحيل أن يكون هذا هو الأستاذ شاكر المعروف بأدبه وإحترامه للصغير قبل الكبير والفقير قبل الغنى ولم يشتكِ أحد قط من معاملته. حتى أن البعض قال أنه كان من الأفضل أن يغيب اليوم طالما بهذه الحالة الغريبة.
وصل مكتبه وسط سخط كل من يراه وفى الطريق لمكتبه تقابل مع عامل البوفيه ليلقى عليه بعض الشتائم القبيحة أيضا طالبا قهوته وأيضا تلقى عامل البوفيه الصدمة مثل الجميع ووقف صامتا يحاول التأكد ان الذى أمامه هو الأستاذ شاكر وطبعا قام بتأجيل كل طلبات الموظفين من أجله حتى لا يتعرض للهجوم من هذا الشخص الغريب الذى يشبه استاذ شاكر فى الشكل فقط حتى خمَّن البعض أنه توأمه وليس أستاذ شاكر الحقيقى. وصل الأمر لمدير أمن الشركة بسبب شكوى الموظفين فرد الرجل وقال: وصلتنى الأخبار من شوية وأنا موش عايز أقوم أقابله وهو فى الحالة دى. شوية كدة لما يهدى عشان أعرف أتفاهم معاه.
أصيب الجميع بالتوتر وتعطلت أعمال الشركة حتى أن المكاتب المجاورة له قامت بإغلاق الابواب تحسبا لاى تهور وهجوم غير محسوب العواقب. فكر الجميع فى محاولة السيطرة على الأمر وديا ولم يجدوا إلا صديقه الأقرب له الأستاذ صبرى والذى صدمته الأخبار التى نقلها له الموظفون وعامل البوفيه وعامل الجراج ووافق على الفور لوضع حد لهذه المهزلة وإقناعه بالرجوع لمنزله حتى يعود إلى حالته الطبيعية.
خبط الأستاذ صبرى على باب مكتب شاكر الذى رد بانفعال: ادخل وطبعا اطلق شتيمة عشوائية.
شاكر واقفا يسلم على صبرى: اتفضل يا صبرى اقعد.
صبرى: فيه ايه يا شاكر وايه البدلة اللى انت لابسها دى والحكايات اللى وصلت من اول ما وصلت الشركة الصبح. انت سكران ولا أخذت حبوب هلوسة ولا ايه الحكاية بالضبط.
شاكر ضاحكا ضحكة كبيرة تشبه ضحكات شخص مسطول وبصوت مرتفع وصل إلى الخارج حتى أن الجميع ضحك على خلفية الضحكات المنبعثة من غرفة شاكر وقام شاكر بتدخين سيجارته وقد أوقف الضحك فجاة وكأنه ضفط على زرار انهاء الضحك وتحول وجهه إلى وجه حزين بصورة مفاجئة قائلا لصبرى
صبرى: انا كويس يا شاكر موش تقلق
صبرى: موش أقلق إزاى انت عملت فوضى من أول ما وصلت الشركة فيه ايه بالضبط حد مضايقك ولا اتخانقت مع حد قبل ما توصل الشركة قولى بالضبط فيه إيه
شاكر: شوف يا صبرى التجربة دى أثبتت لى حاجات كتير اوى وجاوبت عن اسئلة كنت دايما أسألها لنفسى ليه الناس بتحترم دايما الشخص البلطجى وتعمله ألف حساب وتديله حقه وزيادة كمان وفى نفس الوقت بتستهتر بالطيب المحترم ومن يراعى ربنا فى كل معاملاته وكأنها بتعاقبه على طيبته وأسلوبه المهذب وتنتقم منه. عندك مثلا انا من أول ما جيبت شوف عامل الجراج وده كان لما بيشوفنى يطنش لما انادى عليه وشوف عمل ايه النهاردة والكل النهاردة عملى ألف حساب. واضح أن البلطجة دى أسلوب جميل وسهل ومريح للأعصاب يا صبرى وتقريبا هى دى الطريقة الصح.
صبرى: خلصت الكلام الفارغ بتاعك يا شاكر. شوف يا شاكر ممكن يكون اللى بتقوله واقع بيحصل فعلا. لكن الناس دى احترمتك خوف من بلطجتك ومن وراك بتدعى عليك وبتلعنك ليل نهار. وخايفة من الاصطدام مع شخص متهور زيك ولما هتموت سيرتك هتبقى هباب. فكر فى المعادلة الصعبة.
شاكر: كلام فاضى معادلة صعبة ايه وكلام فارغ ايه.
صبرى: المعادلة الصعبة انك تاخد حقك وانت محترم وتبقى شخصيتك قوية من غير تهور أو شتائم. هى صحيح معقدة عشان محتاجة شخص عنده توازن نفسى موش متهور زيك وتركه وخرج والكل يسأل صبرى فيه ايه ؟
فيرد صبرى مفيش ويتركهم وينصرف ويخرج خلفه شاكر وينظر للجميع نظرات غريبة وينصرف هو أيضا فى غموض أربك حسابات جميع الموظفين.
عدد الردود 0
بواسطة:
وائل عبد الودود حسين
استاذ محمد ابو هرجة
للاسف كتير من الناس بقت شاكر التاني دلوقتي وشاكر النسخة الاصلية بفى قليل وعلى راي المثل الشارع اللي مفيهوش صايع حقه ضايع احسنت استاذ محمد فعلا معادلة صعبة