فيسبوك
واتساب
عامل إيه يابا..
وحشتنى
بقالى كتير ماحدش
خاف عليا ذى خوفك
ولا هزر معايا وضربني
ضربه هاديه من كفوفك
ولا إتنرفز من غيابي
ولا هزر معايا انا وصحابي
ولما شافنى بعُك.. قاللى فضحتني
وحشتنى..
بقالى كتير ما حدش حضٓنّي
الحضن اللى يوجع بدل الكلام
وقبل ما يقوم يسألني
عايز حاجه ولا أخُش أنام
ولا ضربنى على كتفى ضربة تهزني
وحشتنى..
فاكرك وانت مستنينى بالليل قلقان
أجى.. تقوم قايم زعلان
بعد ما تكون هزئتني
وحشتنى..
فاكر لما كنت تجيبلى هدوم
وجيت اقولك ياللا قوم
عشان نجيبلك
زحلقتنى
فاكر ؟؟
مش انا لسه ماجيبتش الكوتشي
اللى كنت هتجيبهولي
بس مالحئتش
عشان سيبتني
وحشتني
وحشتنى
