العدس..أحد أشهر الوجبات المصرية فى فصل الشتاء، وكان المصريون يعتبرون العدس من الوجبات غير المكلفة فكانوا يستعينون بها لقضاء آخر أيام الشهر، وقبل بداية شهر رمضان الكريم، نظراً لقلة أسعار مكوناتها، هكذا كان العدس قبل أن يصل سعر العدس الأصفر الآن إلى 33 جنيه، الأمر الذى أصاب الأسر المصرية بصدمة كبيرة، خاصة أن وجبة العدس حالياً أصبحت من الوجبات التى تحتاج إلى حسبة خاصة.
فتحتاج الأم إلى عدد من الأغراض لطهى وجبة العدس لأسرة تتكون من 5 أفراد على سبيل المثال وهى:
ربع كيلو عدس أصفر
ربع كيلو طماطم
نصف كيلو بطاطس
ربع كيلو جزر
ربع كيلو كوسة
كيس صغير من الشعرية
بالإضافة إلى الملح والكمون والفلفل الأسود والسمن الموجودين بالمنزل
وإن عقدنا مقارنة بين تكلفة وجبة العدس قبل ارتفاع الأسعار وبعدها سنجد التكلفة كالآتى.
مكونات العدس
1- قبل ارتفاع الأسعار بشكل متتابع:
فكان سعر العدس الأصفر قديماً 8 جنيهات، فالربع كيلو يكلف 2 جنيه
كيلو الطماطم 1 جنيه، ويتكلف الربع كيلو25 قرش
كيلو البطاطس 2جنيه، النصف كيلو1جنيه
كيلو البصل 1جنيه، والربع كيلو 25 قرش
كيلو الجزر3جنيه، الربع كيلو 75 قرش
كيلو الكوسة 3جنيه،الربع كيلو 75 قرش
كيس شعرية صغير جنيه ونصف
وبذلك تكون تكلفة العدس التى تكفى 5 أفرد هى 6 جنيهات ونصف.
عدس بالشعرية
2- تكلفة وجبة العدس حالياً:
يبلغ سعر كيلو العدس الأصفر حالياً 33 جنيه، ويبلغ سعر الربع كيلو 8جنيهات وربع.
كيلو الطماطم 3 جنيهات، والربع كيلو 75 قرش
كيلو البطاطس 4 جنيهات، والربع كيلو 1 جنيه
كيلو البصل 4 جنيهات، والربع كيلو 1 جنيه
كيلو الجزر 6 جنيهات، الربع كيلو جنيهاً ونصف
كيلو الكوسة 5 جنيهات، الربع كيلو 1جنيه وربع
كيس شعرية صغير 3جنيهات
وبذلك تكون تكلفة وجبة العدس 17جنيه ونصف، بدون إضافة ثمن السمن والتوابل.
عدد الردود 0
بواسطة:
مواطن مصري
حسبى الله ونعم الوكيل
حسبي الله ونعم الوكيل في الحكومة اولا لانها مش عارفة تسيطر على الاسعار والتجار ثانيا عشان الطمع عماهم ومش همهم الا ازاى يجمعوا فلوس كتيرة وكلة حساب المواطن اللى كان بيعتمد على اكلة العدس واخير حسبي الله ونعم الوكيل
عدد الردود 0
بواسطة:
عبدالقادر صالح
تصحيح
حيث اننى مدير مراجعه هناك خطأ فى حساب التكلفه الجديده فى بند البطاطس حيث ان الكميه نصف كيلو وليست ربع اذن تعدل التكلفه الى 18 ج
عدد الردود 0
بواسطة:
عمر إسماعيل
ولا عزاء للفقراء
للأسف العدس والفول وجميع البقوليات ارتفع سعرها جدا ومعروف إن البقوليات هى البديل البروتينى للحوم يعنى توقعوا فى السنوات القادمة تكون أعلى نسبة لمرض الأنيميا موجودة فى مصر والأنيميا طبعا هى نقص الحديد اللى بيكون موجود فى اللحوم والبقول
عدد الردود 0
بواسطة:
محمد
!!!!!!!!!!!!!!!!!!!!!!!!
فين البطاطس ام 4 جنيه والبصل ابو 4 جنيه دا ياريت لو عندك بالتمن دا هتلى شيكاره من كل نوع وهحسبك عليها
عدد الردود 0
بواسطة:
مصري
والفراخ متبله ب22 في الهايبرات ماركت! تعالى علي نفسك وكل فراخ
مش فاهم والله ايه الهدف يعني! ازرعوا عدس يا حبيبي, ولا هو العدس عايزينه مدعم هو كمان؟ موصوفلك العدس؟!!!! معلش تعالى على نفسك وكل فراخ, ولا عايزين الجيش يزرع لكم عدس علشان انتوا مش بتوع شغل مش فاهم! ده خبر كويس لأهلنا يزرعوا عدس يكسبوا ويرخصوه
عدد الردود 0
بواسطة:
مشمش
محلات الكشرى سرحت نص عمالها ..بعد ان اصبح طبق الكشرى اكثر من 11 جنيه ( بدون كماله )
....
عدد الردود 0
بواسطة:
shady hady
انتوا عايزين ايه بالضبط
طيب طلعوا خبراء يشرحوا للغلابه ماهى البدائل التى يتم اتخاذها لكى يعيشوا حياتهم ويغذوا اولادهم انتم قفلتم كل السبل للحياه ولايبقى الا الموت
عدد الردود 0
بواسطة:
مجدى بشارة
رجاء تحرو الدقه
انا جايب العدس أمس 24 جنيه فرجاء ترى اله فى المعلومات
عدد الردود 0
بواسطة:
قال مش بتوع شغل
رقم 5 اللي مش فاهم
انت بتكلم مين؟ جرب يا حبيبي ازرع بنفسك وابقى قابلني وشوف الحكومة بتاعتك حتعمل فيك إيه ، حتعاقبك على الزراعة ، ومش حتاخد منك المحصول وإن خدته حتاخده بأقل الاتمان ، يعني خسران خسران ، صحيح اللي مايعرفش يقول عدس ، يا كابتن مقولة مش بتوع شغل دي كدب في كدب ، الحكاية ببساطة إن الحكومة مش عاوزاك تشتغل ولا تنتج ولا تصنع ، لكن تخالف وتبني عمارات مخالفة على قلبها زي العسل وتسيبك تبني براحتك أوي
عدد الردود 0
بواسطة:
مصرى
كيلو البطاطس ب 7 جنيهات وكيلو البصل ب7 جنيهات
احنا بقينا عايشين فى شبه دوله