فيسبوك
واتساب
رايح يا نوم على فين - بتهرب ليه من العين
مشتاق انا للأحلام - متزورنى ولو ساعتين
مش لاقى ليا كيان - ولا عارف أعيش إنسان
سايبنى ليه تعبان - غرقان فى الهموم
تعبت كتير يا نوم - من شوقى للأحلام
عديت كل النجوم - وتعبت من الكلام
رايحين يا ناس على فين - طريقنا مش معروف
بيزيد علينا الدين والقلب - مات من الخوف
بيننا كتير مساكين - خانقة فيها الظروف
فى العيشة تعبانين - والحزن واقف صفوف
بنموت كل يوم - وانت هربان يا نوم ومهاجر العيون
الصبر مات شهيد - والحزن عاش وحيد
الهم عمال يزيد - وفاق كل الحدود
مالناش فى الدنيا عيش - لابسين هدومنا خيش
ذُل على مافيش - وكل يوم بنموت
