فيسبوك
واتساب
لا أنا فارس على جواد
ولا عنترة بن شداد
ولا للطيور صياد
ولا على العود عواد
لا أنا موهوم ولا حالم
ولا بلى جى يوم عالم
أنا عايش كده مسالم
لا أكون مظلوم ولا ظالم
أنا الحقيقة ومش خيال
أمر واقع من غير جدال
فى الشدة زى الجبال
جوايا روح زى الأطفال
أنا الصابر على كل حال
وصبرى صبر فوق الاحتمال
أنا العمر اللى لو بى طال
الفراق هو واقع الحال
أنا امبارح أنا بكره
أنا بحب ولا بكره
أنا ممكن أبقى ذكرى
ونفسى فى سيرتى تبقى عطره
أنا عبد رب الكون
هادى ساعات وساعات مجنون
أعصى وأكون ملعون
أتوب وأعيش فى سكون
ولو جوايا مسجون
بإيده الشفا
من الحيرة والظنون
