فيسبوك
واتساب
وساعات بتبقى الدنيا
مافيهاش حاجات تتحب
فى دقيقة لا.. دا ف ثانية
تيجى حاجات فى القلب
.تتبدل الأحزان
تتغير الألوان
ترسم زهور وكمان
عصافير تطير فى السرب
ترسم قلوب فى السما
وسهوم تصيب إنما
ماتسيبش جرح ف قلب
وقمر ونجمة بعيدة
فايتة معاه تنهيدة
هايمة ف سماه وسعيدة
فى البعد أو فى القرب
صورة رسمناها
أيام وعيشناها
من قبل ما نشوف بعض
ملامحى من رسمك
وخلاص بقيت شبهك
فيا حاجات منك
تفكيرى من رأيك
وكلامى من حرفك
قلبى خلاص فاتني
سابنى وراح جنبك
بقى نبضه من قلبك
حواليا أنفاسك
صورتك على الننى
اسمك نغم فى القلب
فات الميعاد و خلاص
ولا تنفعك توبة
من نظرة من نوبة
سهمك خلاص صابنى
ما تقولش أنا مليش ذنب
واللى يصيب القلب
لابد يتحاسب وعشان كده قررت
اعلن عليك الحب
