لو بتحب مصر صرَّح لو بتحب مصر قول
أنا ما اقصدش تقول بحبك
ماهو أصل الحب ماهوش بالقول
لو بتحبها اثبت حبها
ابنى وعلِّى انتج خلِّى
كل العالم عنها يقول
أحلى بلاد الدنيا بحالها
بجنودها وفلاحيها وعمالها
هتحقق كل المأمول
لو بتحب مصر صرَّح لو بتحب مصر قول
لو بتحبها ادفع مهرها
خليك راجلها واسند ضهرها
ما تفَّرحش فيها عزول
لو بتحبها اتحمِّل واسعى معاها وكمِّل
ماتكونش ولا ف لحظة ملول
بكفاحك مصر هتعلى
وكيد العادى أكيد هيزول
لو بتحب مصر صرَّح لو بتحب مصر قول
قولها بعرقك قولها بكدَّك
كافح ناضل حقق مجدك
ما تخليش أعاديها تنول
أى شماتة وأى تشَّفي
حاجى عليها وسَّع كفِّي
ما تخليش معاناتها تطول
لو بتحب مصر صرَّح لو بتحب مصر قول
لو بتحب مصر شارك
بينا وبين أعاديها معارك
انفض كسلك اتقن عملك ادفع الخمول
قدامك ألف تحدى
عدى سفينة بلدك عدى
واوعاك قدام الصعب تسلِّم
اوعاك تفضل ساكت اوعاك تقف مشلول
لو بتحب مصر صرَّح لو بتحب مصر قول
مصر اللى انت عشت فى خيرها
ولا حبيتشى أبداً غيرها
لازم عنها تكون مسئول
تحمى ثراها سماها ونيلها
وتلاقى لمشاكلها حلول
هو دا حب بلادك اللى حلاها فى زادك
ما هو أصل الحب ما هوش بالقول
لو بتحب مصر صرَّح لو بتحب مصر قول
عدد الردود 0
بواسطة:
مجدى شعبان
لو بتحب مصر
نعم بنحب مصر وحبها لابد يظهر فى كل ماذكرتيه شاعرتنا المحترمة بلدنا فوق راسنا ونسلمها ان شاء الله بهية قوية لأولادنا من بعدنا بنحب مصر وبنقول ونعمل مايجب علينا نحوها. تحياتى
عدد الردود 0
بواسطة:
نهاد موسى
الشاعرة العاشقة
الشاعرة العاشقة لوطنها الأستاذة سوزان بدوي ليت الجميع يحبون مصر ويثبتون حبهم كما ذكرتي بشعرك الجميل
عدد الردود 0
بواسطة:
Mohamed Read
لو بتحبها
لو بتحبها ادفع مهرها ، ومهر مصر عمل متواصل ،ليتنا نعي ذلك لتسعد ونسعد معها
عدد الردود 0
بواسطة:
سهام مناضل
شكرا أستاذة
شكرا أستاذة سوزان على كتاباتك الرائعة في حب مصر التي تستنهض العزائم وتحث المصريين على إثبات حبهم لمصر بالعمل والكفاح ، وأنا أعتبر هذا دبوس في سلسلة دبابيسك لإيقاظ الضمائر
عدد الردود 0
بواسطة:
هبة منصور
القاهرة
واضح يا استاذتنا الكبيرة انك بتحبى مصر حب كبير ولذلك كل كلمة فى شعرك وكل دعوة منك لحب مصر بتوضح شعورك واحساسك الجميل ببلدك
عدد الردود 0
بواسطة:
ندى ممدوح
القاهرة
ياريت كل الناس تعبر عن حبها لمصر بالعمل المتقن والإجتهاد والبذل و العطاء المستمر
عدد الردود 0
بواسطة:
تامر
القاهرة
الله عليكى يا استاذة وعلى رقة وجمال كلماتك سواء فى الأشعار او المقالات والدبابيس ،انا متابع كل اعمالك وبستمتع جدا بيها ربنا يوفقك يكثر اعمالك وابداعاتك
عدد الردود 0
بواسطة:
سناء عبد المنعم
القاهرة
بجد لو كل واحد بطل كسل وخمول وسعى بنشاط لعمله مصر هتبقى حاجة تانية وهنثبت اننا بنحبها صحيح
عدد الردود 0
بواسطة:
سلوى سيد
القاهرة
كلنا بنموت فى تراب مصر وبنحبها ما عدا .. الجماعة اياهم و أن شاء الله ربنا هيحميها منهم
عدد الردود 0
بواسطة:
محمد عبد العظيم
Cairo
تحيا مصر .. تحيا مصر .. تحيا مصر