رمضان صبحى: أتصل بخطبيتى قبل كل مباراة لستوك سيتى وبفتكرها كل ما بجيب جون

كشف رمضان صبحى، نجم المنتخب المصرى، ولاعب ستوك سيتى الإنجليزى، عن قصة حبه بخطيبه حبيبه إكرامى، قائلاً:" أجرت معى وبعض اللاعبين، حوار بتكليف من جامعتها، وشعرت بشيئا تجاهها، ودخلت من الباب على طول، لإن ماليش فى الف والدوران، ودخلت من الباب بعد الانترفيو، وكل حاجة مشيت تمام، والزفاف لما يأذن ربنا ، ولسه شوية ..والناس كلها معزومة ".

وعن علاقته بإكرامى الكبير ونجله شريف، قال "صبحى" فى حواره مع الإعلامى معتز الدمرداش، ببرنامج "90 دقيقة" المذاع عبر فضائية "المحور": "لا أتعامل مع إكرامى على أنه حمايا وجاى اتجوز بنته.. لأنه من الشخصيات المحترمة جدا ويتعامل معى كأنى ابنه زى شريف بالضبط، وربنا يخلهولنا ويديه الصحة.. وعلاقتى بشريف أخ وصاحب، ولو واقع فى أى مشكلة بلاقيه وبأخد رأيه وهناك ثقة كاملة ووقف بجانبى كثيراً".

كما أعرب عن حبه الشديد لوالدته وخطيبته، قائلاً :"والدتى وقفت معى كثيراً وربنا يخليهالى وربنا يقدرنى وأرد الجميل بتاعها وبشكرها من خلال البرنامج، وخطيبتى أيضاً وشها حلو عليا وربنا يخليهالى واتحدثت لها هاتفيا قبل كل مباراة وافتكرتها أول ما جبت الجون".

وداعب الدمرداش، رمضان صبحى، قائلاً له :" خطيبتك أكتر حد بيوحشك فى انجلترا"، فرد الأخير:"وأمى ..متوقعناش فى الغلط".