استنكرت البطلة سارة سمير، الحاصلة على برونزية الأولمبياد فى ريو دى جانيرو بالبرازيل، موقف مسئولى وزارة التربية والتعليم، بعد تخليهم عن الوعود التى قدموها لها لحل أزمة امتحانات الثانوية العامة، بسب بمشاركتها فى الأولمبياد، مؤكدة أن الوزارة لم تتصل بها، ولم تحدد حلًا لإجراء الامتحانات.
وأعلنت سمير، فى تصريحات تلفزيونية، أنها ستتفرغ لدروسها وستنقطع عن بطولات رفع الأثقال، وأولها بطولة إفريقيا لحن تخرجها من الثانوية العامة، مضيفة: "مش بتمرن لأنى مش فاضية، وباخد دروس استعداداً للعام الدراسى الجديد، المسئولين تخلوا عنى بعد وعودهم بالوقوف بجانبى".
وشددت بطلة أولمبياد ريو 2016، على أنها ستهتم بالدراسة، وتركت التمرينات، قائلًا: "مش عايزة حد يطلب منى ميدالية فى الأولمبياد، لأنه مفيش حد وقف جنبى".
عدد الردود 0
بواسطة:
Koki
بنت جدعة معاها حق!!
اعملي اللي في مصلحتك و ميهمكيش من حد
عدد الردود 0
بواسطة:
المصرى افندى
وزارة ملهاش كبير .. وبعدين نسال لماذا يهاجر الشباب ؟؟
كيف نترك حفنة من الموظفين الملتصقين بالكراسى ارباب العقول المتأخرة ان يقضوا على حلم أمة .. حلم بطولة .. حلم خلق جيل يحلم ان يكون بطلا .. حلم خلق انتماء لمصر .. كيف تسقط مصداقية وزارة هكذا فى ايام ..؟؟ انا ارفض ان تخضع سارة لكهنوت موظفى الوزارة وأدعو اليوم السابع الى عمل حملة تساند بطلة اولمبية رفعت اسم مصر اكثر من وزارة التربية والتعليم بوزيرها وكل كهانها وموظفيها ..
عدد الردود 0
بواسطة:
مهندس / صلاح الصاوى
والله عيب عليكى ياحكومه
لازم رئيس الحكومة يتدخل شخصيا لحل المشكله اللى المفروض لا يعانى منها أى بطل رياضى.
عدد الردود 0
بواسطة:
عمك فكرى
مبروك عليك يا سارة أل 500 ألف جنيه وعيدى الثانوية العام القادم باذن الله
ونتمنى لك التوفيق فى الرياضة وفى الدراسة وفى حياتك عامة .
عدد الردود 0
بواسطة:
شيرين
حقك علينا يا سارة
حقك علينا يا سارة معلش اصلها وزارة فاشلة وبدل ما تشجع الابطال للاسف بتقف فى طريقهم..... انا مش مقتنعة بالوزير ده خاااااااااااالص اساسا
عدد الردود 0
بواسطة:
مرتضى سعد الدين محمد زكريا
عيب عليكي ياوزارة
عيب عليكي ياوزارة .... وزارة بأكمالها عندما علموا بأن سارة اول فتاه مصرية تحرز الميدالية البرونزية وقد رفعت رأس مصر عن مستقبلها العلمي فكان اولى للوزارة ان تقف بجانبها وتقدم العون لها ولكن الوزارة التعبانه لسه عايشه في زمن الغش واخبرتها بأنها سوف تقوم باللازم تجهاها وكان على لسان المتحدث الرسمي للوزارة عيب عليكي ياوزارة التربية والتعليم فانا اول مره اكتب فمن باب الشفقة عليها وشده ضيقتي من اللي حصل كتبت هذه السطور من شدة الغضب لأنها ضيعت سنة من عمرها وقالت مصر اولى فأنا أناشد جريدة اليوم السابع بالوقوف قلبا وقالباً بجانب هذه المسكينة لأنها صدمة بالنسبة لها ولن تنساها ابداً وسوف تكون عبرة لغيرها من الأبطال .
عدد الردود 0
بواسطة:
جميل أحمد
أيه المطلوب ؟
ساره سمير بطلة اوليمبية اسعدت الملايين .. ولكنها كانت تعلم مسبقا أن ان تاريخ اقامة الدورة الأوليمبية يتعارض مع مواعيد امتحان الثانوية العامة وكان لها الاختيار لأنى اعتقد أن القانون يمنع عقد امتحان الثانوية العامة لطالب بمفرده فلماذا هذه الحملة على الوزارة .. هل المطلوب مخالفة القانون من أجلها .
عدد الردود 0
بواسطة:
محمد
الى تعليق رقم 7
المطلوب ...؟؟؟ الاستاذ الكريم اللاعبه ساره سمير كانت بتمثل دوله اللى حضرتك منها .. يعني واجب وطني قبل ما يكون واجب شخصي .. ثانياً فى الحالات دي الوزاره بتمتحن اللاعبين بعد رجوعهم والا مكنتش سفرتهم اساساً ... اه بالمناسبه .. هو وزير الرياضه ووزير التعليم مش عارفين ان الانسه بتمثل مصر ولا طلعت من وراهم هجره غير شرعيه :D هم يضحك وهم يبكي
عدد الردود 0
بواسطة:
جمال
الي تعليق رقم 7 ...... لا تعليق عليك لانه خساره الي تعليق رقم 8 ......الله ينور
اقل واجب من وجهه نظري امتحان صوري وتنجح الطالبه عشان الوزاره تقف جنبها، مش يقوللك بعتنالها تخش الدور الاول والتاني ومجاتش، تيجي ازاي وهيه لسه جايه من بطوله ولا استعدت ولا عملت اي حاجه، وماله تبقي حاله استثنائيه، هيه جت عليها، قوانين مصر كلها قايه علي حالات استثنائيه. ياريتك ما رجعتي يا ساره وزاره فاشله