فيسبوك
واتساب
الدنيا زى ما فيها الوحش
فيها الحلو
بس لو عشتوها صح
يعنى لو..
أنا مقولتش نجمل الواقع أو الدنيا
عادى، حنعيشها زى ما هى
بس اعتبروا أن الدنيا دى مسرحية
مفيش مسرحية كلها حلوة،
مستحيل..
حتى لو كانت حلوة،
فهو كله تمثيل..
مين قال الفرحة دى حاجة كبيرة؟
دا الفرحة كلمة أو أغنية
أو حلم اتحقق أو أمنية
وفى كتب كتير حلوة
لسه مقرأتهاش..
فى أغانى كتير جميلة
لسه مسمعتهاش..
فى أماكن كتير تسحر
لسه مروحتهاش..
فى حياة بحالها
لسه معشتهاش..
حيجى وقت ما
صدقونى حنحب الحياة
