فى واقعة غريبة، نشر شاب يبلغ من العمر 19 عاماً، رسالة على حسابه الشخصى بموقع التواصل الإجتماعى فيس بوك، ودع فيها أصدقائه وأقاربه معلناً إقدامه على الانتحار طالباً منهم الدعاء والرحمة.
وتداول رواد " فيس بوك رسالة الشاب ونصها: "ها قد حانت لحظه الوداع ، كنت حابب اودعكو كلكم اللى أعرفه واللى ما أعرفوش ..ياريت الكل يدعيلى بصدق ..أنا عارف أنى داخل النار ولكن (ورحمت ربك وسعت كل شئ) فأطمع وليس بعيداً عن الله أن يرحمنى ويغفر لى ، سلام الله عليكم.. أدعو لى عسى أن يغفر الله لى، أنوى الانتقال إلى خالقى".
رسالة الشاب معلناً انتحاره
وأثارت الرسالة العديد من التعليقات بين الشجب على اقباله على الانتحار وبين عدم تصديق اقدامه على تلك الخطوة بين محبة وأسرته ومعرفة أسباب ذلك، فقال يوسف بدير: "احنا بس عايزين نعرف أيه سبب الانتحار لان دا شئ كبير جدا اكتر مما تتصوروا"، بينما أضاف أحد المقربين له: "يه كدا يا احمد حرام عليك وآلله ال عملتوا فينا ربنا يصبرنا ويصبر ابويك".
بينما أكدت التحريات أن الطالب "أحمد. ص. ا" 19 سنة، طالب بالصف الثالث الثانوى، مقيم بأحد مراكز كفر الشيخ، اقدم على الانتحار بشنق نفسه بسقف غرفته.
رسالة اصدقائة عبر حسابه
يذكرأن اللواء سامح مسلم مدير أمن كفر الشيخ تلقى إخطاراً من مأمور مركز كفر الشيخ بتلقيهم بلاغا من والدة الطالب "إحمد.ص.ا" 19سنة بالصف الثالث الثانوى بإحدى قرى مركز كفر الشيخ يفيد بعثورها على جثة نجلها عند عودتها من عملها، معلقة بسقف الغرفة.
زملائة يريديون معرفة سبب الأنتحار
عدد الردود 0
بواسطة:
مصريه
Cربنا يصبر اهله ويرحمه
الله اعلم ايه السبب لكن الاخبار اللى وصلوله الشباب من النت افقدهم استمتاعهم بالحياه فاصبحت اهون عليهم ربنا يصلح احوال اولادنا
عدد الردود 0
بواسطة:
هبه
انا لله وانا اليه راجعون
ليه كده بس لا حول ولا قوة الا بالله والله قلبي وجعني ربنا يرحمك ويصبر أهلك وامك ويحرق الفيسبوك ده عشان هو اللى بيعلم الشباب البلاوي دي ويحفظ ولادي وولاد الناس كلهم اللهم امين يارب
عدد الردود 0
بواسطة:
على
اعتقد ان...
واحد منغلق كتوم فى الثانوية شايف حال البلد . لو مجبش كلية من كليات القمة يبقى يموت احسن وضغط المزاكرة والكبت النفسى وعدم ثقتة فى نفسة ممكن يدفعة للانتحار. الوالدين هم اهم عامل فى التاثير على الابناء لانهم قادرين انهم يزيدو من الضغط ده وقادرين انهم يهونوا عالية. دعائى ليه كما وصانا " ربنا يرحمه ويرحم ضعفة وقلة حيلتة وكثرة حيرتة فى الدنيا ويجعل مثواه الجنة ".
عدد الردود 0
بواسطة:
هاوى
ربنا يرحمه ويصبر والديه
بس نرجو من المطبلاتية مايهاجمهوش ويقولوا ده اخوانى ولا صاحب سوابق وان البلد زى الفل
عدد الردود 0
بواسطة:
احمد الغباشي
لصاحب التعليق رقم 4
اولا ربنا يرحمة و يصبر اهلة و اتمنى من الله ان الشاب دة يكون مختل عقليا حتى لا يحاسبة الله .. و اعملو بوصايا الرسول علية الصلاة و السلام و الدنيا تسعنا و تساع زينا
عدد الردود 0
بواسطة:
ahmed
قلة دين وبعد عن الخالق
يقول تعالي قوله تعالى : إِنَّ رَحْمَتَ اللَّهِ قَرِيبٌ مِنَ الْمُحْسِنِينَ ومعني الاحسان هو من يفعل أكثر مما هو مطلوب منه اما العاصي فأني له من رحمة الله .. فعصاة المسلمين داخلين داخلين الا اذا تابوا قبل موتهم وقبل الله توبتهم من يتفقه في دينه لا يقدم ابدا علي مثل هذه الافعال.
عدد الردود 0
بواسطة:
مصري
إلى رقم 4! مش هقولك السوريين والليبيين
روح هاجر الهند ولا بنجلاديش! في هناك 1.3 مليار مش لاقيين نص العيشه اللي انت عايشها, شوفهم في الخليج وكل مكان, مع أنهم متعلمين وبيشتغلوا قدك 10 مرات, ممكن برضه تروح الصين عادي, اللي بتشوفهم هنا بيبيعوا في الشوارع والعزب والنجوع! كده معاك 3 مليار يعني نص عدد البشر, روح بقى أفريقيا ولا أمريكا الجنوبية وشوف عايشين إزاي!!! عايش أحسن من 70% من الناس على الأرض ومش عاجبك؟ "ولئن شكرتم لازيدنكم ولئن كفرتم أن عذابي لأليم" صدق الله العظيم
عدد الردود 0
بواسطة:
الجندى
أحتمال انتحر لفشلة فى الدراسة
واحد عندة 19سنة ولسة فى ثالثة ثانوى أكيد تعثر فى الدراسة سنتين تلاتة ، فمن المحتمل أن يكون انتحر لأحساسة باليأس من النجاح وأحتمال أن يكون هناك اسباب اخرى يعلمها اللة وحدة .ادعو لة بالمغفرة ولأهلة بالصبر
عدد الردود 0
بواسطة:
احمد
الي رقم 8
احمد دة اكتر من اخويا وصاحبي ومعايا علي طول كل يوم لازم اشوفة والي انتة متعرفوش انة من اولا ابتدائي لحد 2ثانوي بيطلع الاول علي دفعتة وربنا يرحمك ياصحبي ارجوكم ادعو لة بصدق
عدد الردود 0
بواسطة:
السويسى
الى رقم 8 الاخ احمد
طالما انت صاحبه و مقرب منه ..طب ممكن تقولنا ايه اسباب انتحاره ؟؟؟...ربما نستفيد من الاسباب لتجنب التكرار ...وربنا يرحمه و يرحمنا جميعا ....و دايما انا بقول ان الانتحار ليس الحل لمشاكلنا لان عذاب ربنا اشد و انكى من كل مشاكل الدنيا مجتمعه ...و ربنا قال و بشر الصابرين ...لازم نصبر و نحتسب عند الله ...فالدنيا لا تسوى جناح بعوضة ...و كل الناس بلا اى استثناء عندها مشاكل بالكوم و لكن لازم نصبر و نحتمل ....مش اهرب من عذاب الدنيا لعذاب الاخرة اللى ميتحملوش الجبال ....و ربنا قال ان مع العسر يسرا ...معنى كده ان كل صعب يلازمه اليسر و التسهيل ....و ربنا يصبرنا و يحسن ختامنا جميعا و يرضى عنا ...اللهم آمين .