ولا كان عالبال والنية
ربنا يبعت لى هدية
واللهِ أنا من حلاوتها
لو ينفع أطلب مِية
وهديته كانت بنتى
نوَّرتى حياتى يابنتى
مانتِ عينيا وانتِ
أقرب من روحى ليّاَ
دى البنت فى حلمنا دنيا
ولافيش أبداً فى الدنيا
أجمل من دى هدية
قلبى بيرقص مالفرحة
وآمالى جناين طارحة
واديكِ أنا عمرى وأشوف
العمر عليكِ شوية
وما تلومينيش عالخوف
إن كنت عليكِ باخاف
دا طبيعى ومش بإيديا
بكرة هتصبحى أم
وتخافى أكيد على بنتك
وتقولك برضه حبيبتك
ليه بتخافى عليَّا
وازاى ياحبيبتى ماخافشى
على روحى وننى عينيا
ولا كان عالبال والنية
ربنا يبعت لى هدية
واللهِ أنا من حلاوتها
لو ينفع أطلب مية
وهديته كانت بنتى
نورتى حياتى يابنتي
مانتِ عينيا وانت
أقرب من روحى إليَّ
دعيالك أنا من قلبى
ياحبيبتى يصونك ربي
ويحقق أحلامك
فى الأيام الجاية
وأشوفك ناجحة فى بيتك
وفى عملك وفى أملك
ويطوِّل عمرى واشوف
أولادك حواليَّ
دا ما كان عالبال والنية
ربنا يبعت لى هدية
وهديته كانت بنتى
نورتى حياتى يابنتي
مانتِ عينيا وانتِ
أقرب من روحى إلى .
