خالد صلاح

برعاية سوبر كورة

سوبر كورة

محمد صلاح العزب

تحيا مصر.. 7 مرات

الثلاثاء، 25 أكتوبر 2016 10:00 ص

مشاركة

اضف تعليقاً واقرأ تعليقات القراء
شوية تفاؤل، مادمت أنا عايش وبكتب وأنت عايش وبتقرا يبقى لسه فى أمل، عندنا أزمات كتير قوى، أزمة سكر، وأزمة دولار، وأزمة أمن، وأزمة فلوس، وأزمة تعليم، وأزمة صحة، وأزمة أمن، وأزمة مسؤولين، وأزمة تفكير، وأزمة حلول، وأزمة ثقة، بس لسه عندنا الحد الأدنى من كل الحاجات دى، وممكن يتبنى عليه، عندنا مشاكل فى البلد، بس عندنا بلد، إحنا فى المركز الأول على مستوى العالم فى كل حاجة وحشة، وفى المركز الأخير فى كل حاجة كويسة، بس لسه بنصحى ونشتغل وبننام ونحلم، ربنا يعدينا من الحفرة دى على خير، ونقف على رجلينا.
 
 

اضحك مع جايزة نوبل

 
إدارة جايزة نوبل قررت السنة دى تخترع وتدى الجايزة فرع «الآداب» للمغنى والمؤلف الأمريكى، بوب ديلان، وهاجت الدنيا ع الجايزة، وطبعا أدلى المصريون بألشاتهم، وقالوا السنة الجاية هيدوها يا لشعبان عبدالرحيم يا لفيفى عبده فى الأدب، المضحك بقى إن المطرب غريب الأطوار نفّض للجايزة خالص، ولا رد على تليفوناتهم، ولا عبرهم، ولا علق على الموضوع من أساسه، والجايزة اتجرحت فى كرامتها، لدرجة أنها بدأت تشتم وقالت: «إذا لم يتواصل معنا ديلان قريبا، فهذا يعتبر وقاحة»، تفكير غريب جدا، لدرجة إنك تحس إن الاختراعة دى فى الجايزة وراها مخ مصرى، ما هى الحاجات اللى من النوع دى ما بتخرجش غير من عندنا.
 

 


مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

الناقد أحمد المالح

مصر التى فى خاطرى

كلما استمعت الى هذه الاغنية من كوكب الشرق ام كلثوم ارى مدى روعة وجمال مصر .مصر باقية خالدة ان شاء الله حتى يوم القيامة باجيال متعاقبة من العلماء والمفكرين والمبدعين .ورغم اننا فى ازمة اقتصادية الا انها هتعدى ان شاء الله يا خال ولكن بحلول مستقبلية وعلمية تضمن لنا نجاح زراعى كبير يضمن لنا قوتنا .بل ونصدر الى الخارج .يجب ان نستفيد من الشباب وافكارهم .وان تنزل القيادات الى الجماهير لا تظل فى قصور عاجية .بعيدة عن الناس ومشاكلهم وهمومهم .الوزير الناجح هو من يستيقظ فجرا ويباشر بمتابعة عمله من الشارع وسط الناس .لا فى المكاتب لزوم التصوير والكاميرات الأن نحن فى زمن السوشيال ميديا وقد رأينا صاحب توتك توك بسيط تسلط عليه الاضواء .والقنوات الفضائية كلها بتتتكلم عليه.اذن مصر مليئة بالمبدعين والله شفت ناس مبدعة وشغالة المفروض يستعينوا بهم فى الوزارة .ولكن للأسف موجودين فى اماكن عمل مدفونة.وميتة أما موضوع شعبولا ده غريب بصراحة هو يستحق جايزة لانه رغم انه مبيعرفش يقرا ويكتب وصل لانه يكون مطرب شعبى ناجح وكمان بيعايش الناس ومشاكلهم فى اغانيه أما فيفى ربنا يهديها بقى خلاص .تروح تحج وتهتدى وتدور على واحد ابن حلال .ويكون جامد ومتين .أه..لسة العالم دى عندها صحة يا خال....

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة