لسه فاكر وأنا صغير
قبل ما الزمن من ملامحنا يغير
لما كنت أمشى فى ظلها
ومن طرف ذيل عبايتها مسكتها
كنت أمشى فى السوق جنبها
وعجلة الخضار كانت تجرها
واللى نفسنا تفكر فيه قبل نفسها
لسه فاكر لما كنت أقعد جنبها
تذاكر لنا وكنت أسمع شرحها
وساعة المغربية
تعدى علينا نسمة هوا نحسها
وغنوة حلوة للست نسمع لها
وفرحتها بلمتنا فى عيونها أنا شفتها
لسه فاكر والبيت فى زنقة وقتها
ولا مية راجل يقدر يقف زيها
هى الحياة ولا حياة من غيرها وأشهد لها
ولسه فاكر زغرودة حلوة سمعتها
يوم النجاح ودا كان يوم سعدها
ودعوة لينا ساعة أذان من قلبها
بدمعة نازلة من عيونها لمحتها
ترفع إيديها للسما وتدعى لينا قبلها
وهى ساجدة تبكى تناجى ربها
ما فى صوت يقوينى إلا وكان لها
بعد ربى ما فى فضل عليه إلا ويرجع لها
ولو قلت ما يكفى كلامى حبها
لو عشت عمرى كله لها
ما يوفى ذرة فى حقها
برجع طفل صغير لما أكون فى حضنها
ولو حكيت ما يكفى كتب العالم حكيها
أمى ثم أمى ثم أمى
لا قبلها ولا بعده
عدد الردود 0
بواسطة:
نشات رشدي منصور
الي الحبيب الغالي / وائل. عبد. الودود حسين
كلام. رائع. تجاه. ست الحبايب .. لا. ينسه الا صاحب. القلب. الحجري. .. يكف. ان دعائها. لأولادها. يصل. السماء. بسرعة. البرق كما. ان. الام. اول. مديرة. في. التاريخ في. مملكتها اي. مطبخها. وفي رعاية اولادها. اول. مربية. فاضلة ويمكن. لك ان. تستمع. لأروع. اغنية. تحت عنوان نصايحك. يا. امي مجرد كتابة العبارة وهي. من. ذكرياتي. مع. امي. ومن. كلماتي. وذهبت. للسماء. دون. ان. تستمع. لها. من. تأليف. ابنها. نشات. رشدي. منصور مع. مراعاة. من. انها. مؤثرة. جداً. أبكت. كثير من المستمعين وإنشاء الله. نستمع الي لسة. فاكر. ملحنة ومؤداه قريبا. .. مع. تحياتي .
عدد الردود 0
بواسطة:
محمد أبوهرجة
ما أروعك
ما أجمل ان نقرأ عن الأم و خصوصا من شاعر جميل مثلك استاذ وائل ونستمتع بالردود الجميلة من الاستاذ نشأت تحياتى للجميع وعام هجرى سعيد
عدد الردود 0
بواسطة:
وائل عبد الودود
الاصدقاء الاحباب
استمعت الى الاغنية جميلة جدا استاذ نشأت الله يرحمنا جميعا ويرحم اخالينا كلهم استاذ محمد تاخرت علينا كثيرا وكل سنة وانت طيب وبخير والمصريين كلهم بخير