فيسبوك
واتساب
شفتوا العصفورشوفناه
بيحب النور واحنا معاه
بيدور ويدور يجمع قشه
والدنيا جميلة.....حواليه
وف كل صباح......بإيديه
فوق الأغصان يبنى العشة
***
لكن زعلان...زعلان ليه
ودموعه ليه ..ماليه عينيه
نفسه يتعلم.......... زيينا
يبقالوا اصحاب واصحاب
يبقالوا كتاب وكتاب
ويحط جناحه ف إيدينا
***
شفتوا العصفور ...شفناه
عايش مسرور..واحنا معاه
حاضن كراسه بجناحه
وبقالوا اصحاب واصحاب
وبقالوا كتاب وكتاب
ف عيونه هلت أفراحه
