خالد أبو بكر في "على هوى مصر" عن 11-11: كلمة... by youm7
أكد المحامى الدولى خالد أبو بكر، خلال مشاركته الإعلامى خالد صلاح تقديم برنامج على هوى مصر، عبر قناة النهار One، أن مسألة تقديم برامج الرأى تحتاج لوقفة لرؤية المشهد من بعيد، وألا يكون الإعلامى متحيزا لرأى أو فكرة، بل تكون شخص تقرأ بموضوعية شديدة جدا، ليكون سببا فى أن يفهم شخص بسيط يجلس فى المنزل يأتمنه على أمانة الخبر.
وقال أبو بكر "دعونا نتحدث بشكل مطلق، في بلد مسكها رئيس جمهورية بقاله سنتين وشوية، لما كان وزير دفاع رحناله كلنا وقولناله يلا بينا هنبني كلنا، قالنا يا إعلاميين أنتم عندكم جوة وأنا عليا برة، وابتدينا ودارت الحركة، في التوقيت ده كان شكل بلدنا إيه، هتتحاسب طبعا، وهنقولك بلدنا فين طبعا، لكن تعالوا نشوف كنا فين وبقينا فين".
وأضاف المحامى الدولى "في التعليم مبقاش عندنا هارفارد، طب بأمارة إيه يبقى عندك هارفارد في سنتين ونص، المستشفيات الحكومية.. يا سيدي بالراحة، ترتيب الأوليات أنا مختلف فيه، طبيعى أنا سايق وعندي معطيات مش عندك، أنا شايف أبتدي بتسليح الجيش الأول، وبتجيلي معلومات ما بتجيلكش، وحاسبني على السنتين ونص.. قولي كنت فين وبقيت فين، وأنت كمان كمواطن عملت إيه فى الأربع سنين اللى قامت فيهم ثورة.. تعالوا أقولك بقى أنا عملت إيه وأنت عملت إيه".
وتابع "هديكم مثال واحد، عشان محدش يقول دية ناس بتتكلم عشان تمدح فى السلطة أو غيره، في كل مكان بنشوف طرق معمولة بدقة عالية جدا وفى زمن قياسى، الطرق دية حضرتك عهدت بيها لجيشك، جيشك أدى المهمة دية لشركات وطنية مصرية مدنية، باستلام الجيش الساعة 8 يعني الساعة 8، ده مرصوف يعني ده مرصوف، مفيش واحد يتأخر عشان التمام فوق مفيهوش هزار".
وأوضح أبو بكر "عارفين بعد ما عملنا الطرق دية بعض المصريين عملوا إيه، راحوا على جانب الطرق وقعدوا عليها وقالوا بداية وضع اليد، يعنى أنا لسه عامل الطريق امبارح وشقيان عشان اعمله وأنت جاي تقولي بداية وضع اليد".
وقال " زى ما أنا كاتب في اليوم السابع نعيب بلادنا والعيب فينا، وما لبلادنا عيب سوانا، الموضوع يا جماعة محتاج هات وخد، ومفيش حاكم مبيخطأش مستحيل، والحاجات نسبية، لكن يجب أن ننظر نظرة عامة ونشوف إحنا رايحين فين".
واستطرد المحامى الدولى " لما تبص دلوقتي على شبكات التواصل الاجتماعي وتشوف دعوات للنزول لثورة، ثورة إيه.. الثورة دية إحساس شعب، وأنت فكرك عبد الفتاح السيسي هو اللى قام بـ30 يونيو، لأ.. عبد الفتاح السيسي نفذ إرادة الشعب، ونفذ كلمة الشعب، وكلمة الشعب الآن سيبو البلد تمشي، سيبوا البلد تعيش".
وأشار، إلى أنه ليس ممكنا بأى حال من الأحوال ، أن يكون الشخص جزء من منظومة بها فساد رهيب وأتساءل " فين الازدهار والتقدم"، مضيفا" لأ، شوف أنا كمان عملت إيه، لذلك أنا بستأمن حضراتكم على بلد عايزة تعيش، عايزين نربي أولادنا، ومفيش داعى أبدا نبقى فريسة لناس عارفة كويس هى بتعمل إيه، وبتحط لينا السم فى العسل، وعايزانا نقع فى نفس المطب تانى".
عدد الردود 0
بواسطة:
Amon
مليون دولار
لو اعطوني مليون دولار في الشهر لأحكم مصر بعد مبارك ومرسي لرفضت ... السيسي استلمها خرابة وشعب فاسد من ساسه لراسه ...البلد في ازمة وتجد التجار بيخبوا السكر والارز والدقيق ليبيعوه في السوق السوداء ... كل يوم التموين يضبط اطنان من اللحوم الفاسدة بالمطاعم الكبري والصغري ... الناس بتسرق الكهرباء.... التعديات علي النيل واراضي الدولة ..بالذمة شعب زي ده يتحكم ازاي؟!!!!!
عدد الردود 0
بواسطة:
مصريه بتحب مصر
يارب احفظ مصر
مصر ذكرت بالقران مصر اوصى بها الرسول مصرجاءها انبياء ومنها زوجات انبياء حافظوا على مصر لا تضيعوها مصر الان بامان خدوا بالكم من مصر حتى لا نكون فريسه ونقول ياريت اللى حصل ما كان
عدد الردود 0
بواسطة:
Amon
الحقيقة المره
الحقيقة المرة ....اننا شعب ليس عنده اخلاق ولا وطنيةولا حتي احساس ولا حتي فهم ... ربنا وهبنا زعيم وطني مخلص نظيف اليد بيحرق في نفسه لينقذ هذا الشعب الجاهل المتخلف من ان يكون مصيره مثل مصير سوريا او العراق وبدلا من ان نساعده نقف في طريقه ونعوقه ....عبد الناصر شعره اصبح ابيض وهو في عز شبابه ومات وهو في عز شبابه لانه خدم هذا البلد وهذه الامة بإخلاص ومبارك شعره اسود .. طبعا من الصبغة .... وهو في السن التسعين ..هذا الشعب لا يصلح له سوي مبارك ومن هم علي شاكلته ....مبارك فهم حقيقة الشعب المصري فحكمهم بما يستحقون.
عدد الردود 0
بواسطة:
يحيي الغندور
رقم 3 \جانبكم الصواب \شعب مصر هو شعب الشموخ والنخوة\والرحمة والفروسية والمجدعة
أخطأت\ أجمل روح وخفة دم وتضحية هو المصرى\متسامح وعزة نفس المصرى كبيرة\والمصرى الاصيل يحب بلده ويموت فى ترابها\ما حدث فى الخمس سنوات الاخيرة كان سوء فهم لمعنى الحرية والثورة عند قلة من صبية -وهى سمة فى كل الطوائف وكل الشعوب\وتأكد انه مع الوقت سيعودوا لفطرتهم وحبهم لبلادهم\\اما خوارج هذاالعصر والخونة الذين يرتبون ويقبضون لهدم بلادنا فليسوا مصريين\المصرى يعتز بمصريته ومن تتكلم عنهم ليسوا منا\ارفع رأسك وكن متفاءل
عدد الردود 0
بواسطة:
Amon
كيف اتفائل؟؟!
كيف اتفائل وانا اري تجار مصر يتاجرون بمحنة مصر .... يخفون السلع التموينية الرئيسية ليتاجرون بها في السوق السوداء؟؟؟!!!!
عدد الردود 0
بواسطة:
حفاة الوطن
ها ننزل شوارع مصر للاحتفال بالانتصار الساحق على الخرفان والغربان وخيبة تميم وقردوجان خليفة الشيطان
نعم ها ننزل يوم 12 -11 للاحتفال بسحق الخرفان بعد ان ثبت انهم رعاع وجعجعة على الفاضى وسنقوم بحرق دمية للدميم تميم وسيد الخرفان قردوجان وسنطالب بتطهير مؤسسات الدولة من الخرفان طالما اسوة بقردوجان اللى عاجب الخرفان وسنطالب أيضا بسرعة اعدام قيادات الخرفان حيث تشتاق اليهم جهنم ليلجفوا بسئ قطب وشارون وهتلر وامثالهم من المجرمين !1
عدد الردود 0
بواسطة:
مجدي
يا دكتور خالد: و أين دور البرلمان؟
يا دكتور خالد: و أين دور البرلمان؟ المفروض في الدستور و العهد الجديد يكون البرلمان المنتخب من الشعب شريكاً في الحكم كما في البلاد المتقدمة ولا يمكن أن ياخذ الرئيس قراراً قبل موافقة و إقناع البرلمان أولاً و ليس فيما بعد كاجراء شكلي هزلي. و أيضاً لماذا لا يوجد نائباً للرئيس لمساعدته ؟؟؟ !!!!