رامى المدبولى يكتب: متخافيش يا مصر

الإثنين، 17 أكتوبر 2016 08:00 ص

الجندى المصرى

ابنى على الجبهة بيحارب

زرعت فى قلبه كلمتين

عدوك بطلقة مش اتنين

لا تموت ولا يفوت

متنساش إننا بظهرك

أبوك وأمك وإخواتك

لو عدى منك مش هتلاقينا

ويمكن تاخد العزا فينا

صرخ بكل قوته

وشمر ذراعه ورانى عافيته

أنا مش بخاف من البارود

راح أخلص عليهم بكل برود

واغسل إديا فى دمهم

واتوضى برمل بلادى

واصلى لربى وأشكره

هو نصرنى على أعدائى

أموت يا بابا وتعيش بلادى