فيسبوك
واتساب
وسط ضيقي
وفى طريقي
بندهك دايماً يا أمي
أشكى ليكي
واشتاق إليكي
وأتمنى تكونى جانبي
لكن فجأة يملكنى حزني
لما افتكر إنك سافرتى
روحتى للى خالقني
وسبتينى فى الهم وحدي
أيوه جاى بنده عليكي
ده انتى أمى وانتى صديقي
انتى كل حاجة عندي
انتى امي.. انتى امي
ياللى لمسة من ايديكي
كانت بتوقف دموعي
كنتى دايماً واقفة جمبي
كنتى ضهرى وكنت ضلي
آسف انى بعديكي
افتكرت اد ايه بكيت عنيكي
لما مرة خبيت عليكي
انى تعبان والدوا فى ايديكي
كنتى حبيبتى وكنتى طبيبي
مهما كنت قاسى عليكي
مهما أعمل بتعديلي
ولما أسافر دايماً تدعيلي
آه صحيح ناقصنى رؤياكي
بس انتى ساكنة فى كياني
مهما يعدي
ويجرى عمري
انتى امي..انتى امي
