فيسبوك
واتساب
حلم مدفون بالحيا مات من سنين
ولا فرحة وانطفت ما شافتها العين
ولا روح من غير حياه وحب وحنين
ولا نور خافت فى ظلمة ليل حزين
أنا أبقى مين
طير سجين ضعيف جريح مكسور جناحه
من غير صوت دواه السكوت على جراحه
شاف الأسى واتنسى فى دنيا قاسية
ومين فى الدنيا عاش وشاف فيها أى راحة
أنا أبقى مين
كلمة وتاهت معانيها قبل ما تكون كتاب
صفحة كتاب وانطوت الفرح فيها سراب
رحلة تعب وألم وحيرة الجرح فيها عذاب
سؤال وصعب عليه من غير جواب
