توفيق ميخائيل يكتب: مين يسمع.. مين يقرأ؟

بحبك يامصر بجد وعايزك فى أجمل صورة
مش بس زواق ورتوش لكن من القلب منصورة
ثلاث حروف اسمك مكتوبين من بدء التاريخ
بقلم من حديد ع الصخر محفورة
شعبك مفيش زيه مارضاش يتقال دا مصر ضاعت
أو إن مصر بالحكام مقهورة
ملايين نزلوا الشوارع فى ثورة مالهاش مثيل
وربك سمع صراخهم وعادت مصر مجبورة
بعت لهم واحد منهم شايل همومهم
وفى الوقت المناسب بقى لنا قائد شهدت له المعمورة
يلا يامصر قومى وانهضى
دا انت مكانك بين الدول فى الصفوف الأولى
عندك شعب وريس وأرض وإمكانات مهولة
ياللى هنا ياللى هناك، ياللى قريب ياللى بعيد
صوت مصر بينادى كل مصرى تعال
فرصتك فى حياة أفضل مضمونة
مين يسمع ومين يقرا ومين يلبى
ياريت كلنا نضم صف واحد
ويكون الهدف واحد مصر المصونة
يارب كمل مشوارنا اللى ابتديته معانا
واللى ابتدا الرحلة معانا
واثقين انك حتكمل ويكون لكل واحد دوره
وحشانى يامصر بجد
واحشنى تكونى فى أجمل صورة