ميدو يوضح حقيقة "نرفزة" كهربا من التبديل فى مباراة "الداخلية"

أوضح أحمد حسام ميدو، المدير الفنى لفريق الزمالك، حقيقة "نرفزة" محمود كهربا لاعب الفريق عقب استبداله فى مباراة فريقه والداخلية التى جمعتهما أمس الثلاثاء، وقيامه بركل زجاجة المياه عقب الاستبدال.

قال ميدو، خلال تصريحاته لبرنامج "اللعبة الحلوة" مع خالد الغندور: "مافيش حاجة حصلت، وكهربا ده من اللاعبين اللى بحبهم جداً من قبل ما أمسك الزمالك، وأحيانا اللاعب وهو خارج بيبقى حاسس إنه كان ممكن يقعد فترة أطول، أو زعلان من نفسه، لكن فى النهاية الأيام والتاريخ بيأكدوا أنى راجل مش ببص للأسماء، والتغييرات اللي شايفها مناسبة فى الملعب بعملها، بغض النظر عن الأسماء، وخرجت كهربا وشيكابالا وباسم مرسى، وغيرنا طريقة اللاعب، واللاعبين مع الوقت يتفهموا ده".