فيسبوك
واتساب
اوعى تسكت اوعى تضعف
اوعى تسيب الشر يقوى
ويوم ما توعد اوعى تخلف
خلى الخير ما بينا يسعى
ناس بتزرع.. ناس بتحصد
ناس توافق وناس بترفض
اوعى تسكت.. اوعى تخرص
وإياك تخالف لما توعد
هى حرة لما تعند
بس انت لازم برضه تصمد
ما بين ضلوعنا حب عايش
اوعى تسيبه لحظة يفلت
الخير ما بينا والحب جايش
الشر هو اللى لازم يبعد
خد مكانك عيش كيانك
خلى الحلم ما بينا يفرد
اوعى تسكت اوعى تضعف
اوعى تسيب الشر يجلد
خلى كل الدنيا تعرف
الحلم المصرى لما يعند
ورقة وقلم
