صحافة المواطن: طالبة مصرية بالكويت تشكو من نظام تنسيق الثانوية العامة

استمرارا لأزمة المصريين المغتربين بالكويت الحاصلين على الثانوية العامة ويعانون من مشكلة التنسيق، أرسلت إحدى الطالبات فى الكويت شكوى جاء فيها، "أنا طالبة مصرية بدرس فى الكويت.. باسمى وكل الطلاب المصريين اللى بيدرسوا فى الكويت احنا بنتعرض لظلم فادح، مصر بتعمل لنا تنسيق غير التنسيق بتاع المصريين اللى بيدرسوا فى مصر، وبينزل فى شهر تسعة يعنى كأنها مرحلة رابعة بيحددوا لنا عدد محدود جداً من الكراسى فى الكليات الحكومية، وبالتالى التنسيق بيكون عالى يعنى الطب البشرى واخد من 99.8 السنة اللى فاتت وفى مصر من ٩٨".

وأضافت فى رسالتها، "نلجأ للجامعات الخاصة واللى بتكلفنا مبالغ كبيرة والمناهج الكويتية نفس المصرية من حيث مستوى الصعوبة والمنهج نفسه، خاصة وأننا فى الكويت بيكون مجموعنا محصلة ثلاث سنين وأربع فترات للسنة الواحدة يعنى بنمتحن المادة ١٢ مرة خلال الثلاث سنين دا غير الاختبارات القصيرة والمشاريع وبندرس علمى رياضة وعلوم مع بعض يعنى تنسيق المغتربين المصرين فى السودان بيدخلو طب من ٩٠٪ واحنا فى الكويت ٩٩٪ ومبنلحقش طب هل يعقل يعنى أن الطالب اللى جايب ٩٠٪ مستواه التعليمى أفضل من اللى جايب ٩٩٪ ".

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع " برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.