بغير من الشمس لما تنزل خيوط نورها عليها
وتغير الشمس لما تشوف نور عينيها
وأغار من القمر لما تشوفه بعينيها
ويغار القمر من رقتها وجمال خطاويها
احسد الورد لما تلمسه بأيديها
بغير من النسمة اللى تعدى عليها
ومن الناس لم تبص عليها
أغير من الشجرة لما ظلها يشاركنى فيها
ومن الشمس تحميها
لما تسند ظهرها عليها
ترخى رأسها على كتفى يزداد شوقى إليها
ريحة عطرها تفوح تسحر قلوب حواليها
قبل ما أشوفها ما دق قلبى قبليها
وبعد ما شفتها ما عرفت أعيش بعديها
أشتاق لها لما تبعد وقلبى ملهوف عليها
ولما تبقى جنبى قلبى يسلم ليها
اللى يحب عيونك ما يحب يبكيها
أفرح لما تضحك وانسى الدنيا باللى فيها
أهواها وأحب كل ما فيها
وأعشق الأرض اللى تمشى عليها
سحر الكون كله ماليها
خايف من الحياة عليها
بغير أنا منها عليها
بغير حتى من كلامى عليها
صورة أرشيفية
