فيسبوك
واتساب
وجاى تقول:
إنسانى..؟
عايزة تنسينى
علشان عايزانى
واللا فيه واحد
تانى..!
ماتقوليش.. لأ
دا حبّى اللى
على شفايفك
كان تسبيح وأمانى..!
أبداً..!
ماتكدبيش..؟
دا الدمع اللى فِ عينيكى
كان من
حرمانى..!
والنهاردة جايّة
تقولى:
إنسانى..!
امسح من قلبك
اسمى..؟
وابعد رسايلك عن
عنوانى..؟
كل دا
علشان عايزانى
واللا فيه واحد
تانى..!
وعلشانه خلاص
سايبانى..!
،،،،،،
دا قلبى اللى حبك
هو اللى
جانى..
يعاتبنى على كل
دمعة بكت
رحيلك من
زمانى..!
ويلومنى على كل
لحظة ألم..!
على كل لحظة وجع..!
سببتهالى..!
،،،،،
يا ما قال لى
ما أدّيش روحى
اللى شايله حبك لقلب
أنانى..؟
ماصدقتوش..!
وإديتك كل حاجة
روحى وقلبى وعقلى
وليه ماسيبتش
غير حبك فى
جنانى..!
دى روحك اللى حاضنة
روحى..
وقلبى اللى مضفّر ب
قلبى..
نغمة واحدة فى
ألحانى..!
وجاى النهاردة
تقولى:
إنسانى..!
علشان عايزانى..!
عايزة تنسينى
خلاص
سايبانى..!
واللا أكيد
فيه واحد.. حدّ
تانى..!
،،،،،
يا حبيبى..
قلبى عمره ما كان
أنانى..!
لابيغدر.. ولابيخون
ولاظلم فى حبّه..
ولا فى يوم كان
ولا ح يكون
جانى..!
قلبك كان مغمّى عينيّا
مش شايف فيه
التانى..!
فاكر حبّى وحده
هوّ الأخير..
والأولانى..!
،،،،،
أنا..
أنا اللى بقولك النهاردة
إنسانى..!
عمرك ما تلاقى قدّ
ولازىّ حبّى
تانى..!
وخلاص.. خلاص
ماعادش فى قلبى
روحك تسجنّى..؟
ولا حبك.. ولاحبك
سجّانى..!
وتحمر الشمس
فى غروب حبى
رايحة تنام فِ زرقة بحرى
ويصحى بدرى
للحرية يغنى موجى
فى حبّ
تانى..!
،،،،،
وجاى تقولى
إنسانى..!
عايزة تنسينى
علشان عايزانى..؟
لأ.. ياحبيبى
أنا النهاردة
اللى بقولك :
خلاص.. مش عايزك
روح ومسامحك..؟
بسّ..إنسانى..؟
روح..
وإنسانى..؟
إنسانى..؟
******
صورة أرشيفية
