هو أنا يعنى عشان غلبان؟إ!
فى كل خرابة يطلعلى الجان
وأهرب منه ألاقى تعبان ؟!!
دنيا دايره وأنا جواها
تطلع تنزل برضه معاها
عاكسه معايا فى كل حكاية
حتى كلابها بتجرى ورايا
عايش فيها وكلى جروح
عايش أيوه لكن مجروح
وأجى أتألم صوتى بيروح
ـــــــــــــــــــــــــــــــــــــــــــــ
إمتى فى مره هتيجى معايا ؟
ولــ عنادك ليا هوايه ؟!!!
نفسى فى مره أبات مبسوط
قبل ما يسقط ورق التوت
دنيا وماشيه معايا فصول
فصل قصير فصل يطول
وفصل يطير منى عقول
فاكره عنادك ليا يدوم ؟!!!
وأفضل دايما كده مصدوم ؟
تِبقى أكيد طبعا غلطانه
دا اللى خلقنا زارع جوانا
صبر وطيبه ما ليها حدود
وأما بنصبر فرجه قريب
بفرحه كبيره بتبقى نصيب
تملى عيونى وقلبى يطيب
حزين - صورة أرشيفية
