محمد عبد الله طاهر يكتب: سر الحياة

نفسى أقول والنجمة بصة نفسى أقول كتير حاجات
أكيد حبيبتى أنتِ عارفة بحبك بصوت وبالسكات
سنين وشايفة علينا شاهدة حب قلوبنا بالساعات
يا نجمة شاردة خليكى شاهدة ده أغلى حاجة فى الحاجات
كتب وصية قلبى لحبيبى ما يعيش فى دنيا إلا معاه
تشوفه عينيا مشاعرى تضحك والقلب يفرح لحظة لقاه
أغلى ما عندى فى الدنيا ديا وحبه فى قلبى سر الحياة
سقانى قلبه الحب كله نسانى كل الذكريات
مقدرش أعيش إلا فى ضله ده قلبه ده مليان حاجات
خدنى لجنة سماها حبه فرشها قلبه بالورود
سر الحياة ومن غيرك انت كيانى كله مالوش وجود
بحبك حبيبى والنجمة شاهدة حاضرة ما بيننا كل الوعود