انت بتسأل قلبك عنى
ما انت ياروح العين والننى
عايز تعرف حبك فين
بص ف عينى هتعرف منى
مش محتاجة إجابة كتير
ولا محتاجة كمان تفسير
لما الروح بتروح وتطير
تجرى تشوفك وانت عاشقنى
بص ف عينى هتعرف منى
لما بقولك إنى بحبك
بفضل أقولها معاك وأزيد
وأرجع تانى أحس بقلبك
وأفضل أحكى كمان واعيد
يمكن مره دموعى تدلك
لما الدم بيبقى جديد
ومش محتاج أوصفلك قُربك
لما عيونك تيجى تشوفنى
بص ف عينى هتعرف منى
بص ف عينى هتعرف منى
نصر الدين محمود سالم يكتب: لما عيونك تيجى تشوفنى
الأحد، 17 يناير 2016 08:06 ص
رومانسية - أرشيفية
لا توجد تعليقات على الخبر
تم أضافة تعليقك سوف يظهر بعد المراجعة