خالد صلاح

برعاية سوبر كورة

سوبر كورة

باسم يوسف يشكر فريق الدفاع عنه بعد بطلان حكم تغريمه 100 مليون جنيه

الخميس، 14 يناير 2016 10:19 ص
باسم يوسف يشكر فريق الدفاع عنه بعد بطلان حكم تغريمه 100 مليون جنيه الإعلامى باسم يوسف
كتبت هبة الشافعى

مشاركة

اضف تعليقاً واقرأ تعليقات القراء
وجه الإعلامى الساخر " باسم يوسف " الشكر والتحية لفريق الدفاع عنه فى قضية التحكيم التجارى التى تم رفعها ضده وضد كيوسوفت للبرمجيات العام الماضى وإلزامهم بتعويض 100 مليون جنيه بعد صدور حكم ببطلان الغرامة الأسبوع الماضى.

وكتب باسم يوسف، عبر حسابه الرسمى بموقع التواصل الاجتماعى "إنستجرام" قائلا: " زى ما كتير منكم تابعوا والصحافة نشرت السنة اللى فاتت صدر حكم تحكيم تجارى ضدى وضد كيوسوفت للبرمجيات يلزمنى أنا شخصيا بتعويض50 مليون جنيه و50 مليون تانية لو الشركة عجزت عن تسديد ما عليها من تعويض، وكتير منكم برضه مشكورين باركوا لى على حكم بطلان حكم التحكيم اللى صدر الأسبوع اللى فات".

وتابع "ولكن اللى كتير من الناس ميعرفهوش أن خلال السنة دى تم بذل مجهود غير عادى من فريق دفاع مصرى محترف أغلبه من الشباب اللى فضل شغال، بالرغم من توقعات ناس كتير من أساتذة قانون وغيرهم أن الموضوع منتهى".

وأضاف قائلا: "عشان كده كان لازم قبل مالقضية دى تتقفل وتتنسى أنى أشكر كل واحد اشتغل على القضية دى من أكبر أستاذ لأصغر محامى وبالأخص الدكتور فتحى والى، ومحمد صلاح عبد الوهاب وأستاذ حازم رزقانة، وإسماعيل سليم وأستاذ عبد الله الشهابى، وأخيرا وليس آخرا أكيد أستاذ هشام فودة مدير فريق الدفاع".

واستكمل يوسف "شكرا لكل واحد فيكم وأنا واثق إن القضية دى هتفضل يتضرب بيها المثل كواحدة من أغرب قضايا التحكيم فى التاريخ المصرى" .



اليوم السابع -1 -2016

اليوم السابع -1 -2016

مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة