زى إنهارده عيد ميلادك يومها الفجر بنوره بان
قبل إيدى قلبى شالك ولسانى كبرلك أذان
كبرت يا سوفا الله أكبر تمام البدر لما ينور
جمال ربانى سبحانه صور يللى سمعنى ورايا كبر
كل اللى جاى وبيهنى بيقولوا فيك كثير منى
والله بحبك أوى يا ابنى وقلبى فى عيدك بيغنى
ربنا يحميك لأبوك وأمك يا فرحة عيد أنت وأختك
عمرى بيزيد لما بضمك وقلبى فى حبك متهنى
يا أغلى شىء فى الكون عندى يا أغلى من روحى ونفسى
كبرت يا سوفا وبقيت صورتى بقيت ظهرى وبقيت سندى
نفسى أشوفك فى الجامعة وبقلبى أئدلك ميت شمعة
وكل الدنيا تكون سامعة لصوت قلبى فى عيدك بيغنى
احرصه يارب واحفظه لينا ده أجمل صورة فى عنينا
حنية قلبه بتدفينا وطيبته وزعها علينا
ام وطفلها - أرشيفية
لا توجد تعليقات على الخبر
تم أضافة تعليقك سوف يظهر بعد المراجعة