يا جزارين أسعاركم حرقتنا بلا دخان
الجزارة مش شطارة ارحموا الإنسان
ليه الجشع خليكو زى معلمين زمان
كان المعلم يحط الدهن بعد كل ميزان
وعند الدفع كانت سماحته بنا عنوان
والقطعية من غير تنتفه تشبع الجعان
الماسورة هدية للشوربة ترم الغلبان
كان قلبه رحيم بنا خايف من الرحمن
كانت السكينة معاه زى ريشة الفنان
مظهره طول النهار كأنه فى الديوان
ابتسامته كانت ود تقتل فينا الحرمان
اللحمة كانت طعمة فى حلاوة الرمان
بريحتها من بعيد تناديك بأحلى الادان
دلوقتى بقت زى طبخة سودا بادنجان
اوعوا تقولوا ندق زار نطرد الشيطان
بلاها لحمة إرادة تخلى الأسود خرفان
الأسعار تبقى قط يتمسح بيك فى أمان
بلاها لحمة نرجع الأسعار عن الجنان
لحمة
