هيثم عرابى: "الشيخ" اشترى الأهلى.. وهأتكلم فى الوقت المناسب

دافع هيثم عرابى، مدير التعاقدات بالنادى الأهلى، عن أحمد الشيخ لاعب النادى الجديد المنتقل من صفوف مصر المقاصة قائلا، "أحمد لاعب اشترى النادى، فلازم أكون أمين وأوضح الصورة.. وأنا ملتزم الصمت حالياً احتراماً للنادى".

وأضاف "عرابى"، على صفحته على موقع التواصل الاجتماعى "فيس بوك"، أنه سيتحدث عن كل شىء فى الوقت المناسب، مؤكداً أن أحمد الشيخ اتنازل عن 2 مليون ونصف من فلوسه 500 كل سنة، المقاصة تخدهم من فلوسه مش أخد 2 مليون زيادة زى متقال وبالمستندات، عشان يلعب فى الأهلى ودى كلمة حق لازم أقولها.

وكتب عرابى معلقا، "للسكوت حدود، وفى الوقت المناسب إن شاء الله هتكلم فى كل شىء، خاصة فى أرقام الصفقات و99% من اللى بيتقال فيه غلط، وفى حاجات كتير منها عكس الحقيقة، خاصة إيفونا واللى حصل فيه" .