وكانت كالتالى :
#من_أم_الشهيد
مش هلبس حاجة سودة
مش هعلن الحداد
أنا ابنى لسه عايش
منور البلاد
أنا ابنى أحلى غنوة
يرددها الولاد
أنا ابنى كلمة حلوة
فى قاموس الأمجاد
أنا ابنى مات شهيد
بس عايش فى السما
أنا ابنى مات سعيد
عشان رجع حقنا
أنا ابنى عايش متهني
فى جنة ربنا
أنا ابنى مغبش عني
دى روحه وسطنا
أنا لسه شايفة صورته
وصوته فى ودننا
أنا لسه بايسة قورته
وهو بيقولنا
هنفدى يا أمى بلدنا
بكل نقطة فى دمنا
هنحميها عشان ولادنا
ميشربوش مرنا
مش هنسيب حد خاين
عايش وسطنا
يأخذ قوتنا وقوت عيالنا
ويمص فى دمنا
بإيده يقرر مصيرنا
يجوعنا ويذلنا
أنا ابنى أدى المهمة
أنا ابنى أدى الرسالة
حمى بلده بزمة
وأنا مش طالبة غير العدالة "
شاركونا عبر رسائلكم فى تحرير المواد الصحفية المنشورة على الموقع، عن طريق إرسال الصور والفيديوهات والأخبار الموثقة والشكاوى عبر رقم هاتف 01287692411 على أن يتم نشر الأخبار المصورة والفيديوهات باسم القراء.
