من غير قضية ولا عنوان
ووسط حالة من التوهان
شوية أهدى وأشوف بعقلى
وشوية أرجع لنار وجنان
شوية ألقى من العذر عذر
وشوية أسأل
إزاى العذر والعدم سيان
ومين قالك تعالى حمل
واعتمد على صبر
فاق صبر نعاسه زمان
وليه
وانت عندى الغالى
تخلينى اسأل
انت صادق ولاه خوان
ولاه ده كان حلم
ولاه كان بحق
واتمزق ما بين الشتان
عديت عليا لحظة
لحظة موت وصحوة
أصل موت الحقيقة بطلان
والصحوة كانت حق هدايه
من هدية عمر هدانى الامان
وصرخت وسط جوفى
حقيقة عشقى
سكينة واطمئنان
واستقر جوايا يقين
ازاى أتوه
وانا فى حشاك كنز مصان
ولعنت الظروف والضغوط
وكل من خان
وقلت لعهدى انا أيان ما كان
وصبحت لندرى أوفى
واستنظر لهفة الرجعة
بكل الرضا والإيمان
ورغم قساوة الوجع
وختم على قلبى الصبر وران
خلود الطيب
