قارئ يرسل لـ"واتس آب اليوم السابع" قصيدة "فى حب مصر"

أرسل السيد عبد الرازق من مديرية القوى العاملة بكفر الشيخ، أحد قراء "اليوم السابع عبر الواتس آب"، قصيدة فى حب مصر بعنوان "الله أكبر.. تحيا بلادى" قال فيها:

كتبوا الكتاب على الجبهة قبل النهار
قالوا يا رب نلحق شمسنا فى الدار
قبل ما ينتهى يومنا.. ناخد قرار
وكفاية بقى ذل وكفاية مرار
قول يا ريس.. إيه القرار
عايزين نكمل عرسنا وكفاية انتظار
قول كلمتك وإحنا صوتنا لوحده دمار
صوت يعبر قنال ويعلم الدرس للعدو الغدار
.......
احكى يا عمده امجادنا فى الدوار
احكى عن صبرنا اللى اكتفينا منه... وخلص الحبر م الاحبار
النبأ هو القرار... واتصدر الأخبار
قالِنا نعبر ونحرر الأحرار
عهد علينا لازم ناخد بالتار
لأجل بلدنا ويرحل كل غاصب... ودا مننا إقرار
.........
عدى الرجال وكأننا عرس وبدايته بالمزمار
الناس هنا بتكبر.. وهناك أسود أنصار
.......
مين يصدق إن الحاجز تمحيه أمطار
ولا مين يقول غير إن صوتنا كان أول عيار
دم ... هتاف .... وكتير كان الغبار
لأجل بلدنا عمرى هو الخيار
.....
والنهايه كانت بكلمه واحده.. الله أكبر الجبار
بس انتهى وقتها عمرى ...
ولأجل بلادى ترخص الأعمار
.....
الله أكبر... تحيا بلادى...
الله أكبر
تشرق الشمس... وتنبت الأزهار