ووجه المستخدمون تساؤلهم إلى المتشدقين بأنهم يفضلون فصل الصيف على فصل الشتاء، متسائلين: "الناس اللى بيقولوا بنحب الصيف وكده إزى الحال بقى؟"، مضيفين: إحنا آسفين يا شتا.. ولا يوم من أيامك.
وكتب "محمود طارق" متسائلاً: "فى حد مصرى طبيعى أو من الوطن العربى بيحب الصيف؟"، مضيفاً: "ياريت الناس اللى بتحب الصيف تقلع كدة عشان هنمدكم على رجلكم".
أما "هبة عكاشة" فقد غردت قائلة "أتمنى يكون بتوع الصيف وحب الصيف مبسوطين بريحة العرق اللى مالية البلد عايزاكوا تغرقوا فيها".
تعريف مصرى لفصل الصيف
المستخدم "أحمد جبريل" وضع تعريفاً مصرياً لفصل الصيف، فكتب قائلاً: "فصل الصيف عندنا فى البيت اسمه الحيوان اللى شرب من الإزازة دى يقوم يغسلها ويملاها ويحطها فى التلاجة".
أما "باسم المصرى" فكتب قائلاً: "والله بكره الصيف ده حتى لما الدنيا بتبقى شتا بردو بكرهه"، وأضافت "مروة سلامة": "ومع دخلة الصيف.. تبتدى تقعد تحسب المغرب هيبقى الساعه كام فى رمضان".
الناشط إبراهيم الجارحى، غرد ساخراً من دخول فصل الصيف مبكراً، قائلاً: "الحر اليومين دول مينفعش يتقاس بالدرجات المئوية.. مفروض يتقاس بالشعلة زى البوتاجازات كدة.. يعنى الجو النهاردة مثلا أربع شعلات وفرن وشواية".
الحنين للشتاء
عبد الرحمن حمدى عبر عن حنينه لفصل الشتاء، قائلاً: "أول يوم فى الحر حنيت للشتا مع إنى كنت كارهه"، مضيفاً: "أنا كنت عادى بس لما شوفت كمية البوستات دى تعبت من الحر زيكو".
وأضاف شاذلى العالمى: "الحر رايح جاى عليا ومش سايبنى، والعرق فاضلو شويه ويوصل لحد رجلى، وتابعت "جرمين فوزى": "الجو حر تحس أن الشمس طالعة هى وعيالها".
وكتب أحد المستخدمين: "الباب اللى يجيلك منه الريح سيبه مفتوح عشان الطراوة".
"فينوس" كان لها رأياً مختلفاً، حيث غردت قائلة: "بس لأ بردو مهما الجو كان حر وسخن أنا على وضعى وعند مبدأى بحب الصيف، الصيف حرية".
كوميكس يسخر من فصل الشتاء
مواطن داخل ثلاجة مشروبات غازية
كوميكس يسخر من ارتفاع درجة الحرارة
موضوعات متعلقة :
- رواد "تويتر" يدشنون هاشتاج "معًا لترشيح السيسى لجائزة نوبل للسلام".. ويؤكدون: دعم الرئيس للحصول عليها "رد للجميل".. ويثمنون وطنيته وشجاعته واستجابته لإرادة الشعب..وناشطة: سيضيف للجائزة قيمة وشرفًا
