فيسبوك
واتساب
يا عم فرفش وابتسم----وارسم على وجهك أمل
والوش شِدّه وافرده--------يدوب همومنا تُحتمل
تملانا ليه بالاكتئاب؟-------يبقى انت زائد العمل؟
افتح لفرحك ألف باب---لوغاوى هاعمل لك جمل
لو تبتسم ييجى الربيع----والجِسم يملاه النشاط
ياعم زيح الغم بيع------وكفاية حُزن مع العيِاط
واروى قلوبنا بألف نيل—بدون تحفّظ واشتراط
وانقل تفاؤلك للجميع----من اليمن حتى الرباط
وجه الكشِر دايماً عِكِر--ولا يرضى عنّك مهما قُلت
غاوى نَكَد لو تتهبد----والسِحنة غبرا فوق وتحت
نصرخ ياناس ماتعقّلوه----الواد كئيب يلزم له تخت
لو سار معاك حتما تتوه--اهرب بسرعة لو سمحت
شخص حزين
