أحمد الغرباوى يكتب:قـلب عَ الطريق..!

براءة
أيا قلب.. يا برىء
مين..
وإيه اللى رَماك عَ الطريق..؟
من غـير ما تِستأذن..
اللى روحـهم جـوَاك..
عصفــور رقـيق..!
....
أيا قلب.. يابرىء
مين..
وإيه اللى رَماك عَ الطريق..؟
تِـفتكر كِــده..
تِبقى حُــرّ وطليق..؟
من قـدرك
مش ممكن تِـهرب
لو خلقـك ربّـك
طـوق نجـاة
لعاشــق غريق..!
,,,,
أيا قلب.. يا بـرىء
مين..
وإيه اللى رَماك عَ الطريق..؟
صامت وحزين..
سَــل اللى رَسمك جـوّاه..
للعـمر رفــيق..؟
,,,,,
أيا قلب.. يابرىء
مين..
وإيه اللى رَماك عَ الطريق..؟
شارد.. وطريد
دا قلبها
نـدرة مـاس
يِلمع فِ البريق..!
,,,,
أيا قلب.. يابرىء
مين..
وإيه اللى رَماك عَ الطريق..؟
دا قلبها
لافريسة.. ولاصيّاد
يعشّش فِ الروح
عِـشق يَمـام
لوكان العرش رصيف
دا قلبها..
أبداً.. لا ولن
ينام عَ الطريق..!

( 2 )
مناجــاة

أيا من رمانى عَ الطريق
ألم يَحـن الوقـت بعـد
لتكون بحالى
رفيق..!

بدون إرادتى..
أعجبت بى.. واخترتـنى
فما اتخذتـنى فِ قلبك
حبيب..!
ولا بجوارك
رفيق..!
طال بقائى عَ الطريق
وفى سوادى..
ما داريت جمالى..؟
وأخاف أن يغـتصبنى
قرصـان جـائـع
وما اشتهيت يوما حضن
عشيق..!

أيا من رمانى عَ الطريق..
يقول شاعر
لى قلب مثل قلبك
رقيق..!
حـبّه صـاعق بضىّ
بريق..!
وأخشى من صـدر شـارد
يخطـفنى..
يضمّنى قطعـة لـحـم
مـن نار و
دقيق..!

يخيّرنى..
بين السجـن فى ضلوعه..
وواحدة مِ الجوارى و
الرقيق..!

أيا من رمانى عَ الطريق..
تقبّل شفاعة قلم..
بسموّ ورقى حبيب
فى أروع وأخلد
قصيد..!