وائل عبد الودود حسين يكتب: رحيل الأحباب

عندما يرحل الأحباب هتلاقى قلبك شاب
وتحس أنه اتقفل قصادك باب الفرحة بالحياة
عندما يرحل الأحباب هتلاقى الحزن والآه
والجرح فى قلبك واصل لمداه حتى لو كنت شاب
وهيه الدنيا ايه غير شوية أحباب وأصحاب
وعشرة سنين حلوة وحب حقيقى مش سراب
حب من غير مصلحة مش حب ريشة يطير بالمروحة
ولا يبقى منه غير ذكريات تعدى عليك كل يوم
ودمعة تنزل على الخد لما تشوف صور الألبوم
هتلاقى قلبك ضعف خايف من أى فراق
شاف الحب فى حياته ومنه ياما ذاق
أصل الدنيا رحلة وأكيد ليها نهاية
ممكن فى لحظة تفارق وخذ اللى حواليك أية
ومش هتبقى وحيد طول ما فى قلبك رب الكون
يصبرك على أى شىء صعب ومهما يكون
أقرب إليك من حبل الوريد
مضطلع على كل شىء ولو كنت وحيد
معاك فى كل مكان لو روحت بعيد
وعلشان الناس تفتكرك بالخير خليك زى الطير
ارسم بسمة فى وشوش الناس خلى الخير جواك الأساس
سيب ذكرى حلوة الناس تفتكرها ليك
وموقف اصيل وشهم بالرحمة يدعوا ليك
وكلمة طيبة صدقة مش أذى يتحسب عليك