.jpg "نصر الدين محمود سالم يكتب: مين بيشوف ويسمع")
كل يوم حزن نداريه
والأمل عمال بيخضع
واليأس يدوس عليه
كفاية قلب الوله
يصرخ يدق ف خلا
بالهم شاب واتملى
مش لاقى مين يداويه
تاه وغاب الهنا
واليوم يعدى بسنه
وضهر الجدود انحنى
من الحِمل ال حط عليه
ليه فى الزهر نخلع
ف الورد نمَـوت فيه
فلاح عرقان بيزرع
والأرض تحن لِــيه
بحلم بالشمس تطلع
والنيل نتهنى بيه
مين بيشوف ويسمع
كل يوم حزن نداريه
الفقير ياكل ويشبع
والغنى مادد ايديه
الغنى يصرخ يقوله
الضمير فكرنى بيه
والفقير يضحك يــدِله
النبى صلى عليه
محتاجين الشمس تكبر
محتاجين القلب يصبر
محتاجين الأرض تطهر
والحنين يشوفنا فيه
امتى الشمس تطلع
والنيل نتهنى بيه
تم أضافة تعليقك سوف يظهر بعد المراجعة