فيسبوك
واتساب
لاتقل... داعش
بل قل :
دا ..... عش
وكر للإرهاب والغش
هبش الوش
خلى شكل الأُمة وِحش
كولد فى حارة رِوش
والكل بيحاول يِهش
وبان كى مون كبير الحارة
قاعد ينش
ولا بيهش ولا ينش
ولا عارف يكش
ما فارقة معاه الضهر من الوش
ولو حصل دوى طاخ طِش
يدوب يقوم يُبص
ويقول لأوباما روح عليهم روش
وخلى بوتين يركز لما ينش
والعالم بيتابع من خلال قنوات الدِش
عاوز يعرف الحقيقة من الغش
ولو فيه حد تأثر يطلع يقول
يادى الكسوف يا عيب الشوم إش إش
طفل غريق على الشط مكفى على الوش
وبعده الجثث تتحمل على الونش
ودول تعمل خيام للى عاوز يُخش
والهوجة تطلع لفوق وبعدين تِفش
وكله جزر بشرش
وبطيخ بعرش
وإنسان بقرش
عناصر تنظيم داعش الإرهابى
