توفيق ميخائيل يكتب: رسالة إلى السيد الرئيس

أنا واخد على خاطرى منك ياريس، إزاى تفكر إننا نفكر تسيبنا، دا إحنا ماصدقنا لقينا راجل يسمع كلمة الشعب ويلبيها، راحل بقلب أسد شايف حجم الخطر لكن كان كل همه ينقذ وطن من داهيه رايح فيها، حط راسه على كفه واتقدم ومعاه ربه حاميه وحاميها، إزاى ياريس تتصور أو حد يصور لك مصر ممكن تفرط فيك، دا أنت فى الأول وفى الآخر واحد من أهاليها. دا إحنا بينا وبينك عهد إنك معانا لحد مصر ما تعرف فين مراسيها. دول كتير تتمنى تبقى ريسها لكن تقول إيه؟ ربك أراد لمصر الخير وعلى إيديك تحقق كل أمانيها. ربنا يحميك ياريس واللى ابتدا مشوار الحياه لازم يكون ليها. أنا واخد على خاطرى منك ياريس أرجوك ما تجيب السيره دى تانى وخلينا نعيش فيها.