فيسبوك
واتساب
أمى
هى دى ياناس أمى
لبنها روى دمى
حملتنى تسع شهور
ومن ولدتنى
وهى شايلة همى
أنام وتسهر
وتفضل تفكر
تطبطب عليا
وتضم إيديا
وتقولى نام
يانور عينيا
متخفش ياحبيبى
وخلفتى ونصيبى
كبرت ورحت المدرسة
أرجع الاقيها واقفة
متحمسة
نجحت ياولدى؟
أنا عاوزاك تبقى ظابط
وللأمن والحق رابط
قلت لها
نفسى أبقى صحفى
قالت لى بس أنا
مش بقرأ ياولدى
بس روح ياصحفى
اكتب وافرحنى
وبكلامك اتحفنى
مرضت امى
عاوز افديها بدمى
مش بايدى يا امى
وجعك
هو وجعى
يارب يشفيكِ
ويحفظك ويعافيكِ
صورة أرشيفية
