"1"
شارع مفهوش مقام
إزاى تسكنه المجاذيب
ما القلب له أحكام
والفطره ليها نصيب
فيكى الدقايق تضايق
ما بالك بالساعات اللى عايشاها
متزعليش ماهى هياها
"2"
وإنتى يابلد ياللى الولد حبك
ف كل كلامه اسمك اتشبك
ولما كبر ومعاه همومه ف هدومه
بعد بُعدك عنه استنظرك
يوماتى يبات يتخيل منظرك
ف حضن جلاده وهمومه نسياها
ميزعلشى عشان هى هياها
"3"
قادر يافجر تسود
تمحى الضلام ع العود
وجع المقهورين غنوه
متطربشى اللى غناها
ميحزنشى لان هى هياها
"4"
السيد المحترم حظنا
فضلا ابتسم كفياك
وحياة أبوك تنسانا
ياتسيبنا اللى ننساك
مش معقولة احنا
اللى دايما منتطمنش
ويوم مانلعب
ورقنا اللى ميضمنش
ولمانفتح شباك على
روحنا نلقاها
قافلة وش وضهر
ندوس خطوه
لطموحنا ننساها
بعذاب الفقر
منزعلشى ماهى هياها
صورة أرشيفية
