فيسبوك
واتساب
لما جيت أرسم عينيكى رسمتها بستان
دخلت جوه الصورة لقيتها بالألوان
فيها ورد لونه أحمر لون الحب اللى بان
وقلب كله أبيض باحلم بيه من زمان
الريشة وباهديهالك،اللوحة والفنان
قلبى بلهفة جالك ناسى حروف الكلام
بقيتى كل حاجة ليا فى الوجود
أنهار فيها السعادة وبساتين الورود
الحب وأدتهولك يا حبيبتى من غير شروط
قلبى وسلمتهولك ومن غير حبك يموت
بيحسدونى عليكى عالرقة والحنان
عالطيبة اللى فى عينيكى وعلى همسك فى الكلام
اول ما بشوفك بانسى كل حدود المكان
يا أرض يا سما يا مرسى يا حب يا عنوان
شخص يرسم - أرشيفية
