فيسبوك
واتساب
يا شعوب العالـــــــــــــم *** إيه جرالنا إيـــــــــــــــه
مين فينا ظالــــــــــــــــم *** ومين مجنى عليـــــــــه
صوت المدافع عليـــــت *** والدم بقى أنهــــــــــــار
قلوبنا ليه أسييــــــــــت *** وسط البارود والنـــــــار
مش عايزين الصاروخ *** ولا البارود والمدفـــــــع
الحق لازم يعــــــــــــود *** من غير ما أم تدمـــــــع
تدمع وتقول يا ولــــدى *** ضاعت روحك هــــــــدر
دافعت عن بلــــــــــدى *** وعدوك بيك غـــــــــــدر
يا شعوب العالـــــــــــم *** أيه جرالنا أيــــــــــــــــه
مين فينا ظالـــــــــــــم *** ومين مجنى عليــــــــــه
يا جارى نفسى أحبــك *** وأنت تسكن قلبــــــــــي
نطفى نارك ونـــــارى *** ندفن قبرك وقبــــــــــري
لحد أمته نعيــــــــــش *** فى تحدى عشان التراب
الأرض دى مش لينــا *** أنا وأنت عليها أغـــراب
غيرنا عاشو قبليـــــنا *** ورحلو من زمـــــــــــان
وإحنا واللى بعديـــــنا *** هنروح نفس المكــــــان
تعالى نمد أيديـــــــــنا *** وتتصالح أرواحـــــــــنا
نمسح دموع عينيـــنا *** الحب يبقى سلاحـــــــنا
ويعم بينا الســـــــلام *** والنور ننادى عليــــــه
يا شعوب العالــــــــم *** أيه جرالنا أيــــــــــــــه
مين فينا ظالــــــــــم *** ومين مجنى عليـــــــه
ورقة وقلم - أرشيفية
