أحمد الغرباوى يكتب: حُـبّى وكـــرامتى..!

أكتب لك تعهّد
إنى بَحبّك أكتر
مِنّى..!

لو حبّيت حدّ
تانى خلاص
سِيبنى..!

حتى لو كنت
لسّه شوق فِ
حضنى..!

لو لفّيت قلب
بروحه شاريك
بِعنى..!

عبد لأمير
فى العشق
يسجنّى..!

لو جُعت لخدر حرير
وقصر من غير رمال
شطّى..!
إهجرنى..؟

ولكن ياحبيبى..
إوعدنى..؟

مع تى شيرت
بُنّى..
مرسوم عليه سهم
قلبى..
وتايور جينز متعطّر
بعرقى.. كان
حلمى..!

يكون وسادة لـ
خدّى..!

وبدلة سودة جوّاها
إنتى..
سما منوّرة ببدر
ربى..!

إوعدنى..
تتركهم فى حقيبة
سفرى..!

لأنى يا حبيبى
يوم دوّب حبّــك
صمتى..
وصرخ فِ حياتى
موتى..!
لن أنتظر نِدا
رَحلى..!

وأشعر إنك عايز
تفارق.. و
تبعدنى..!
وعدت..
وعدت بالرحيل
نفسى..!

لأن اللى حبّك
ياعمرى مش
إنّى..
لأ.. دى تِبقى
كرامتى..!
كرامتى..!